Gujarati News

Gujarati News

News of Tuesday, 13th February 2018

સમાજ સુરક્ષા એકમે હળવદમાં બે બાળલગ્ન અટકાવ્યા

મોરબી તા. ૧૩ : મોરબી સમાજ સુરક્ષા એકમ અને બાળ સુરક્ષા એકમની ટીમે તાજેતરમાં રાજગોર સમાજના સમૂહલગ્નમાં ચાર બાળ લગ્ન અટકાવ્યા હતા અને આ કાર્યવાહી ચાલુ હોય હળવદ જીઆઈડીસી નજીકની ઝૂપડપટ્ટીમાં ચાલતા બાળ લગ્નમાં સમાજ સુરક્ષાના સુનીલ રાઠોડ અને બાળ સુરક્ષા એકમના રંજનબેન મકવાણાની ટીમ સ્થળ પર દોડી ગઈ હતી. હળવદ ખાતે તા. ૧૩-૧૪ ના યોજાનાર લગ્ન સામસામે હોય અને ભાઈ બહેનના લગ્ન લીંબડી ખાતે યોજાનાર હતા જેમાં દીકરીની ઉમર ૧૬-૧૭ વર્ષ અને દીકરાની ઉમર ૧૭ વર્ષ હોવાનું માલૂમ પડતા બાળ લગ્ન અટકાવી બંનેને રાજકોટ સ્પેશ્યલ હોમ ફોર ચાઈલ્ડ ખાતે મોકલી આપવામાં આવ્યા છે.

(12:42 pm IST)
  • અંદામાન ટાપુઓ ઉપર ૫.૬નો મોટો ભૂકંપઃ કેન્દ્રબિન્દુ જમીનથી ૧૦ કિ.મી. નીચે છે access_time 11:38 am IST

  • મહારાષ્ટ્રના નાગપુરમાં નગરનિગમે ટ્રાન્સજેન્ડર્સ માટે એક અલગ ટૉઇલેટ બનાવવાનો નિર્ણય લીધો છે. વર્ષ 2014માં સુપ્રીમ કોર્ટ તરફથી ટ્રાન્સજેન્ડર્સ માટે લેવાયેલા મહત્ત્વપૂર્ણ નિર્ણય છતાં મહારાષ્ટ્ર આ મામલે ધીમું ચાલી રહ્યું હતું. નાગપુરમાં સોમવારે કલેક્ટરેટ ઓફિસમાં આ બાબતે બેઠક યોજાઈ હતી. access_time 1:30 am IST

  • અમેરિકી રાષ્ટ્રપતિ ડોનાલ્ડ ટ્રમ્પના દિકરા ડોનાલ્ડ ટ્રમ્પ જુનિયરના પત્ની વેનેસા ટ્રમ્પને સોમવારે સવારે ન્યૂયોર્ક સિટી હોસ્પિટલમાં દાખલ કરવામાં આવ્યા હતા. તેમણે પોતાના પતિના નામે આવેલા અનામી કવરમાં ભેદી સફેદ પાવડર સ્પર્શ કર્યા બાદ સુરક્ષાના ભાગરૂપે તેમને હોસ્પિટલ લઇ જવાયા હતા. ડોકટરી તપાસ બાદ માલુમ પડ્યું છે કે પાવડર જોખમી ન હતો. access_time 4:08 pm IST