Gujarati News

Gujarati News

News of Tuesday, 13th February 2018

વાંકાનેરના ચંદ્રપુર ગામે લાંચ લેતા પકડાયેલ તલાટી મંત્રીના રીમાન્ડ મંગાયા

મોરબી તા. ૧૩ : વાંકાનેરના ચંદ્રપુર ગામે ૮ હજારની લાંચ લેતા પકડાયેલ તલાટી મંત્રીને આજે રીમાન્ડ અર્થે કોર્ટમાં રજુ કરાનાર છે.

મળતી વિગતો મુજબ વાંકાનેરના ચંદ્રપુર ગામના રહેવાસી એક નાગરિકે ખરીદ કરેલ મકાનની ગામ નમુનો ૨ માં નોંધ કરવા કરવાના કામ માટે ફરિયાદી પાસેથી ૧૦,૦૦૦ રૂપિયાની લાંચની માંગ કરવામાં આવી હતી જેમાં ૮૦૦૦ રૂપિયા આપવાનું કહેતા આ મામલે ફરિયાદીએ એન્ટી કરપ્શન બ્યુરોમાં કરેલી ફરિયાદને પગલે રાજકોટ એસીબી યુનિટના આસીસ્ટન્ટ ડીરેકટર કે.એચ. ગોહિલના સુપરવિઝનમાં મોરબી એસીબી પીઆઈ આર.વાય રાવલની ટીમે છટકું ગોઠવ્યું હતું જેમાં આરોપી ચંદ્રપુર ગામનો તલાટી મંત્રી વિરેન્દ્રસિંહ હાલુભા વાઘેલા (ઉ.વ.૨૭) પાસે ફરિયાદી આઠ હજાર રૂપિયા આપવા પહોંચ્યો હતો અને એસીબી ટીમે સ્થળ પર પહોંચીને તલાટી મંત્રીને લાંચ લેતા રંગેહાથે ઝડપી લીધો હતો.

લાંચ લેતા પકડાયેલ તલાટી મંત્રીને રીમાન્ડ માટે આજે કોર્ટમાં રજુ કરવામાં આવશે તેમ એસીબીના સૂત્રોએ જણાવ્યું હતું.

(12:41 pm IST)
  • છત્તીસગઢની રમણસિંઘ ભાજપ સરકાર માટે રાહતના સમાચારઃ વીઆઈપીઓ માટે ઓગષ્ટા હેલીકોપ્ટરની ખરીદીમાં ભ્રષ્ટાચાર અંગે તપાસની માંગણી કરતી એક જાહેર હિતની અરજી સુપ્રિમ કોર્ટે રદબાતલ કરી છે : આ પીઆઈએલ (પબ્લિક ઈન્ટરેસ્ટ લીટીગેશન) દ્વારા છત્તીસગઢના મુખ્યમંત્રી રમણસિંઘના પુત્રના વિદેશી બેન્ક ખાતાઓમાં ઠલવાયેલ નાણા સંદર્ભે તપાસની માંગણી થયેલ access_time 11:38 am IST

  • આલેલે!! વસુંધરાએ બોલેલું ફેરવી તોળ્યુ!! : ''અભી બોલો અભી ફોક'' : ગઈકાલે બજેટમાં ખેડૂતોના ૮ હજાર કરોડના દેવા માફ કરવાની જોગવાઈનો અમલ થશે જ તેવી કોઈ ગેરંટી નથી : જુદી જુદી જોગવાઈઓના સંપૂર્ણ અમલમાંથી રાજસ્થાનના મુખ્યમંત્રી શ્રીમતી વસુંધરા રાજેની પીછેહટ access_time 4:16 pm IST

  • મહારાષ્ટ્રના નાગપુરમાં નગરનિગમે ટ્રાન્સજેન્ડર્સ માટે એક અલગ ટૉઇલેટ બનાવવાનો નિર્ણય લીધો છે. વર્ષ 2014માં સુપ્રીમ કોર્ટ તરફથી ટ્રાન્સજેન્ડર્સ માટે લેવાયેલા મહત્ત્વપૂર્ણ નિર્ણય છતાં મહારાષ્ટ્ર આ મામલે ધીમું ચાલી રહ્યું હતું. નાગપુરમાં સોમવારે કલેક્ટરેટ ઓફિસમાં આ બાબતે બેઠક યોજાઈ હતી. access_time 1:30 am IST