Gujarati News

Gujarati News

News of Tuesday, 13th February 2018

લોધીકા સામુહીક આરોગ્ય કેન્દ્રને એમ્બ્યુલન્સની ગ્રાંટ ફાળવતા સાંસદ મોહનભાઈ કુંડારીયા

લોધીકા,તા.૧૩ : તાલુકા મથકની એક માત્ર સામુહીક આરોગ્ય કેન્દ્રમાં નવી એમ્બ્યુલન્સવેન માટેની ગ્રાન્ટ સાંસદ મોહનભાઈ કુંડારીયાએ ફાળવતા લોકોમાં રાહતની લાગણી ફેલાયેલ છે.

૩૮ ગામનાં તાલુકા મથક લોધીકા ગામે સામુહીક આરોગ્ય કેન્દ્ર આવેલ છે. તાલુકાભરમાથી દર્દીઓ અહિં સારવાર માટે આવે છે. ઘણા કિસ્સામાં તેમજ ડીલીવરી પ્રસંગે દર્દીને શહેરની હોસ્પીટલે વધુ સારવાર માટે લઈ જવામાં આવે છે, પરંતુ એમ્બ્યુલન્સવેન જર્જરીત હાલતમાં હોય અવાર-નવાર બ્રેક ડાઉન થતી હતી.

નવી વેન વસાવવા માટે સાંસદ મોહનભાઈ કુંડારીયાને તાલુકા ભાજપ આગેવાનોએ લોકોને પડતી મુશ્કેલીથી વાકેફ કરતા જે રજુઆતને ધ્યાને લઈ સાંસદે પોતાની ગ્રાન્ટમાંથી એમ્બ્યુલન્સવેન મંજુર કરતા ગ્રામ્ય ધારાસભ્ય લાખાભાઈ, તાલુકા ભાજપ પ્રમુખ ભરતસિંહ જાડેજા, અગ્રણી મનસુખભાઈ સરધારા, તાલુકા ભાજપ મહામંત્રી મોહનભાઈ ખુટ, મોહનભાઈ દાફડા, વિપુલભાઈ મોરડ, રાહુલસિંહ જાડેજા, સરપંચ જેન્તીભાઈ વસોયા, વિગેરેએ સાંસદનો આભાર વ્યકત કરેલ છે.

(11:31 am IST)
  • છત્તીસગઢની રમણસિંઘ ભાજપ સરકાર માટે રાહતના સમાચારઃ વીઆઈપીઓ માટે ઓગષ્ટા હેલીકોપ્ટરની ખરીદીમાં ભ્રષ્ટાચાર અંગે તપાસની માંગણી કરતી એક જાહેર હિતની અરજી સુપ્રિમ કોર્ટે રદબાતલ કરી છે : આ પીઆઈએલ (પબ્લિક ઈન્ટરેસ્ટ લીટીગેશન) દ્વારા છત્તીસગઢના મુખ્યમંત્રી રમણસિંઘના પુત્રના વિદેશી બેન્ક ખાતાઓમાં ઠલવાયેલ નાણા સંદર્ભે તપાસની માંગણી થયેલ access_time 11:38 am IST

  • ‘બિગ બોસ 11’ની વિનર શિલ્પા શિંદે ફરી એકવાર ચર્ચામાં આવી છે. મીડિયા રિપોર્ટ્સ અનુસાર તેણે ‘ભાભી જી ઘર પર હૈ’ના પ્રોડ્યૂસર સામે કરેલો યૌન શોષણનો કેસ પાછો ખેંચી લીધો છે. તેણે ગત વર્ષે માર્ચમાં આ કેસ નોંધાવ્યો હતો. એક વેબસાઈટને આપેલા નિવેદન અનુસાર, શિલ્પાનું કહેવું છે કે, શોમાં મારા જે પૈસા બાકી હતા તે મને મળી ગયા છે એટલે હવે કેસ આગળ વધારીને કોઈ ફાયદો નથી. access_time 1:31 am IST

  • દુબઈમાં તૈયાર થઈ વિશ્વની સૌથી ઊંચી હોટલ : દુબઈએ વિશ્વની સૌથી ઉંચી હોટલ બનાવી પોતાનો જ રેકોર્ડ તોડ્યો : આ છે હોટલ ગેવોરા. જે વિશ્વની સૌથી ઉંચી હોટલ છે. હોટલની ઉંચાઈ 356 મીટર છે. એટલે કે 1 હજાર 186 ફૂટ. સોનાથી બનેલી હોટલ ગેવોરા 75 માળની છે. જેમાં 528 રૂમો છે. જેમાં 232 ડિલક્સ રૂમ, 265 વન બેડ રૂમ ડિલક્સ રૂમ અને 31 ટુ બેડરૂમ સ્યુટ છે : હોટલ ગેવોરા શેખ ઝાયદ રોડ પર દુબઈ ઈન્ટરનેશનલ ફાયનાન્સ સેક્ટર પાસે આવેલી છે : આ હોટલમાં ચાર રેસ્ટોરન્ટ, ઓપન એર સ્વિમિંગ પૂલ, જાકુઝી અને હેલ્થ ક્લબ પણ છે : આ વિશાળ હોટલમાં 6 લિફ્ટ છે. દરેક લિફ્ટ 26 કિમી પ્રતિ કલાકની સ્પીડે દોડે છે : આ પહેલા પણ વિશ્વની સૌથી ઉંચી હોટલનો રેકોર્ડ દુબઈના નામે જ હતો. હોટલ જે ડબ્લ્યુ મેરિએટ માર્કિસની ઉંચાઈ કરતા હોટલ ગેવોરા ફક્ત એક મીટર ઉંચી છે access_time 9:39 am IST