Gujarati News

Gujarati News

News of Tuesday, 13th February 2018

મઢડા ગામે બંધ મકાનમાંથી અડધા લાખનો તસ્કરોનો હાથફેરો

લગ્ન પ્રસંગે શિહોર ગયેલ વાણંદ પરિવારના

ભાવનગર, તા., ૧૩: મઢડા ગામે બંધ મકાનમાં ત્રાટકી તસ્કરો રોકડ તથા ઘરેણા મળી રૂ. અડધા લાખની માલમતાની ચોરી કરી નાસી છુટયા હતા.

મળતી વિગતો મુજબ સિંહોર તાલુકાનાં મઢડા ગામે રહેતા વાળંદ સુરેશભાઇ માધુભાઇ નાથાણી તેના પરીવાર સાથે સિહોર લગ્ન પ્રસંગે ગયા હતા. ત્યારે બંધ મકાનને નિશાન બનાવી તસ્કરોએ તાળા તોડી અંદર પ્રવેશી  કબાટમાં રાખેલા રોકડા રૂ. રર હજાર તથા સોનાની બુટી,વિંટી, ચાંદીના ૩ સિક્કા, છડા વિગેરે મળી કુલ રૂ. પ૦ હજારની મતાની ચોરી કરી નાસી છુટયા હતા. આ અંગે સુરેશભાઇ નાથાણીએ સિંહોર પોલીસને જાણ કરતા પોલીસે તપાસ હાથ ધરી છે.

ભાવનગરના ટ્રેઇન હડફેટે આધેડનું મોત

ચિત્રા જીઆઇડીસી પાસે ધ્રાંગધ્રાથી ભાવનગર આવી રહેલ ટ્રેઇનની હડફેટે ચડી જતા પાટા ઓળંગી રહેલા અજાણ્યા આઘેડ પુરૂષનું ઘટના સ્થળે જ મોત નિપજયું હતું. આ અંગે પોલીસ વધુ તપાસ ચલાવી રહી છે.

(11:26 am IST)
  • કર્ણાટકમાં ચૂંટણી પ્રચાર માટે પહોંચેલા કેન્દ્રીય પ્રધાન પ્રકાશ જાવડેકરે કોંગ્રેસ અધ્યક્ષ રાહુલ ગાંધી પર નિશાન સાધ્યું હતું. શ્રી જાવડેકરે કહ્યું હતું કે રાહુલ ગાંધી જ્યા ચૂંટણી પ્રચારમાં જાય છે ત્યા કોંગ્રેસની હાર થાય છે. અને ભાજપનો વિજય થાય છે. તેમણે રાહુલ ગાંધીએ મંદિરના દર્શન પર કટાક્ષ કરતા કહ્યુ હતું કે હવે તો કોંગ્રેસની જાહેરાતમાં પણ કેસરિયો રંગ જોવા મળી રહ્યો છે access_time 9:39 am IST

  • હરિયાણામાં જાટો ઉપર થયેલ કેસો પાછા ખેંચવા થયેલ સમજૂતી : ગુજરાતમાં પાટીદારો સામે કયારે? :ચંદીગઢ : અખિલ ભારતીય જાટ અનામત સંઘર્ષ સમિતિ અને હરિયાણા સરકાર વચ્ચે સમજૂતી સઘાઈ ગઈ છે : હરિયાણા સરકારે જાટ આંદોલનકારીયો ઉપર દાખલ કરાયેલ બધા કેસો પાછા ખેંચવાની વાત માની લીધી હોવાનું રાજસ્થાન પત્રિકા નોંધે છે access_time 3:39 pm IST

  • યુનોની સુરક્ષા સમિતિએ (યુએનએસસીએ) ત્રાસવાદી સંસ્થાઓ ઉપરના પ્રતિબંધોને મંજૂરીની મહોર મારી: અલ કાઈદા, તેહરી કે તાલીબાન પાકિસ્તાન, લશ્કર એ જહાન્વી, જમાત - ઉદ્દ - દવા (જેયુડી), ફલાહ - એ - ઈન્સાનીયત ફાઉન્ડેશન (એફઆઈએફ), લશ્કર-એ-તૈયબા (એલઈટી) અને બીજા ત્રાસવાદી સંસ્થાઓનો સમાવેશ થાય છે access_time 11:37 am IST