Gujarati News

Gujarati News

News of Sunday, 13th January 2019

ગિરનાર આરોહણ-અવરોહણ સ્પર્ધામાં સિનિયર વિભાગમાં અમિત રાઠોડ અને બહેનોમાં ભૂત ભૂમિકા પ્રથમ

જુનિયરમાં ભાઈઓમાં પરમાર લાલા અને બહેનોમાં કથુરિયા શાયરા પ્રથમ સ્થાને :સ્પર્ધામાં 1303 સ્પધૅકોનું રજીસ્ટ્રેશન :323 સ્પર્ધકો ગેરહાજર

જૂનાગઢ :આજે સવારે ગિરનાર આરોહણ-અવરોહણ સ્પર્ધા યોજાઇ હતી  જેમાં ગુજરાતના 20 જિલ્લાઓનાં 1303 સ્પધૅકોનું રજીસ્ટ્રેશન થયું હતું જેમાંથી 323 સ્પર્ધકો ગેરહાજર રહ્યા હતા. ગીરનાર આરોહ અવરોહ સ્પર્ધા યોજાઇ જેમાં સિનિયર ભાઇઓ, બહેનો, તેમજ જૂનિયર ભાઇઓ અને મહિલાઓની કેટેગરીમાં આ સ્પર્ધા યોજાઇ છે.

   ભાઇઓ માટે 5 હજાર પગથીયા અંબાજી સુધી. જ્યારે બહેનો માટે 2200 પગથીયાનું આરોહ અવરોહણ કરવાનું હોય છે. જેમાં આ વર્ષે સિનિયર ભાઈઓમાં રાઠોડ અમિત ધીરુભાઈ પ્રથમ આવ્યા હતા. બીજા નંબર પર ભાલીયા મોહન નારુભાઈ અને ત્રીજા નંબર પર સોલંકી જયેશ કાળુભાઈ વિજેતા બન્યા હતા.

  જુનિયર ભાઈઓમાં પરમાર લાલા ચીમનભાઈ, રાઠોડ મનીષ કાંતિભાઈ બીજા નંબરે અને ત્રીજો નંબરે નિષાદ લલિતકુમારનો આવ્યો હતો

   સિનિયર બહેનોમાં ભૂત ભૂમિકા દુર્લભજીભાઈ પ્રથમ નંબરે, બીજા નંબરે પાનેલીયા પૂજા અને ત્રીજો નંબર પર વાળા મીના પ્રવીણભાઈનો આવ્યો હતો.

  જુનિયર બહેનોમાં કથુરીયા શાયરા, પ્રથમ નંબરે વાજા જાગૃતિ બીજા ક્રમાંકે, જ્યારે સાન્ડીલ લક્ષીતાનો ત્રીજો નંબર આવ્યો હતો.

(11:08 pm IST)
  • કર્ણાટકમાં ભાજપનું 'ઓપરેશન લોટ્સ ' કર્નાટકના મંત્રી ડી કે. શિવકુમારે કહ્યું કે રાજ્યની ગઠબંધન (કોંગ્રેસ- જેડીએસ) સરકારને હટાવવા માટે ભાજપનું ‘ઓપરેશન લોટસ’ ચાલી રહ્યું છે.:તેમણે આરોપ લગાવ્યો છે કે કોંગ્રેસના ત્રણ ધારાસભ્ય મુંબઇની એક હોટલમાં ભાજપના કેટલાક નેતાઓ સાથે છે. access_time 1:38 am IST

  • રવિવારે ફરીવાર ઇંધણના ભાવમાં મોટો વધારો :પેટ્રોલના ભાવમાં લિટરે 47 પૈસા અને ડીઝલના ભાવમાં લિટરે 61 પૈસાનો વધારો ઝીક્યો ;છેલ્લા ત્રણ દિવસથી એકધારો ભાવ વધારાથી વાહન ચાલકોને વધતો બોજો :વૈશ્વિક બજારમાં ક્રૂડના વધતા ભાવને પગલે ઘર આંગણે પણ પેટ્રોલ -ડીઝલના ભાવમાં ઝીકાતો વધારો :ડિસેમ્બરમાં રાહત બાદ જાન્યુઆરીમાં ઇંધણના ભાવમાં ઘટાડો અટક્યો access_time 12:45 am IST

  • દિલ્હીના મુખ્યમંત્રી કેજરીવાલની પુત્રીનું અપહરણ કરવાની ધમકી :સીએમઓ ઓફિસમાં ધમકીભર્યો ઈમેલ મળતા દિલ્હી પોલીસમાં ફરિયાદ :પોલીસે કેજરીવાલની પુત્રીની સુરક્ષા વધારી :મામલાની તપાસ સાઇબર સેલની સોંપી :ધમકીભર્યા ત્રણ ઈમેલ સીએમની સત્તાવાર ઈમેલ આઈડીમાં આવ્યા જેમાં બે ઇમેલમાં અપહરણ કરવાની ધમકી આપી access_time 12:47 am IST