Gujarati News

Gujarati News

News of Sunday, 13th January 2019

કલ્યાણપુરના ગામોમાં કુંજ બચાવો અભિયાન

 આ વર્ષે જામનગર અને દેવભૂમિ દ્વારકા જીલ્લામાં અપુરતો વરસાદ થવાથી મગફળીનો પાક લગભગ નિષ્ફળ રહ્યો છે જેના માઠા પરિણામ દેશ વિદેશથી આવતા કુંજ પક્ષી પર પડ્યાછે. મગફળીના ખોરાક પર આધારીત આ પક્ષી મગફળીના ખેતરોમાં મગફળીના પાકના ઉતારા પછી ખેતરમાં પડી રહેતા મગફળીના નાના-નાના દાણા ચણવા હિમાલયની ૨૦ હજારફુટની ઉચાઇથી પ્રવાસ ખેડી અહી આવતા હોય છે. ખાસ કરીને કલ્યાણપુર તાલુકાના ગામોમાં ઠેર-ઠેર કુંજના ટોળા ખેતરોમાં ચરતા જોવા મળતા હોય છે. આ વર્ષના આ દુષ્કાળ જેવા સમયમાં કુંજને ખોરાકનો અભાવ જણાતો હોય વર્ષો થી મોર ઉછેર અને મોર બચાવવાની કામગીરી કરતા કેનેડીના નારણભાઇ કરંગીયા અને રણજીતપરના મારખીભાઇ એ મુંબઇના સદગૃહસ્થ સુંદરજીભાઇ શાહના સહયોગથી ડીસે.ના પ્રથમ દિવસથી દરરોજની ર કીલો જુવાર નાખવાથી શરૂ થયેલ આ અભિયાન હાલ દરરોજ ૫૦ કીલો જેટલી જુવાર કુંજને આપી ખોરાક માટે આમ થી તેમ ભટકી અને ખોરાકના અભાવે મરી જતા બચાવવાનું ભગીરથ કાર્ય હાથ ધરવામાં આવેલ છે. ખાસ કરીને નારણભાઇની દેખરેખ અને મારખીભાઇની મહેનત આ વર્ષે આશરે ૨૦ હજારથી વધુ કુંજને ખોરાક અને સુરક્ષા બક્ષી રહ્યા છે.

(12:02 pm IST)
  • જસ્ટિસ સીકરીએ સરકારી ઓફર નકારી, સી.એસ.ટી. માટે પાછી ખેંચી સંમતિ:કોંગ્રેસ અધ્યક્ષ રાહુલ ગાંધીએ ટ્વિટ કહી કહ્યું કે, ‘જ્યારે ન્યાયના માપદંડ સાથે ચેડા થાય છે ત્યારે અરાજકતાનું રાજ થઇ જાય છે.’:કોમનવેલ્થ ટ્રાયબ્યુનલના પદ માટે સીકરીની સંમતિ ‘મૌખિક રીતથી’ લેવાઈ હતી. access_time 1:39 am IST

  • ટ્રેનના ડબ્બાના ગેટ પર લગાવેલ લીલી બત્તી બતાવશે કે હવે ટ્રેન ઉપડવાની છે :મુંબઈની લોકલ ટ્રેનોમાં ચડતી વેળાએ કોઈ યાત્રી દુર્ઘટનાનો શિકાર ના બને એટલા માટે નવો આઈડિયા અપનાવ્યો ;ટ્રેનના ડબ્બાના ગેટ પર લીલી બત્તીથી મુસાફરોને ટ્રેન ઉપડવાનો આપશે સંકેત access_time 1:37 am IST

  • કેન્દ્રીયમંત્રી નીતિન ગડકરીએ સાહિત્ય સંમેલનમાં કહ્યું ,નેતાઓએ બીજા ક્ષેત્રોમાં દખલગીરી કરવી જોઈએ નહીં :અત્રે ઉલ્લેખનીય છે કે આ સંમેલન લેખિકા નયનતારા સહગલને અપાયેલા નિમંત્રણ પાછું લેવાના કારણે વિવાદમાં સપડાયું છે :ગડકરીએ આ વિવાદ અંગે સીધો ઉલ્લેખ કર્યા વગર કહ્યું કે નેતાઓએ અન્ય ક્ષેત્રોમાં દાખલ ના કરવી જોઈએ access_time 1:38 am IST