Gujarati News

Gujarati News

News of Saturday, 13th January 2018

જામનગર તનિષ્‍ઠ જવેલર્સના શો-રૂમમાંથી ગ્રાહકના સ્વાંગમાં આવેલી મહિલાએ કરી સોનાના બ્રેસલેટની ચોરી કરી ફરાર

જામનગર : શુક્રવારે એસબીઆઈ બેંકના કેશિયરના કાઉન્ટરમાં રાખેલા .૨૦ લાખની રોકડની ચોરીનો બનાવ પામ્‍યો હતો. તો આજે જામનગરના તનિષ્ક જવેલર્સના શો રૂમમાંથી સેલ્સ ગર્લની નજર ચૂકવીને એક મહિલા સોનાના બ્રેસલેટની ચોરી કરી ફરાર થઇ ગઇ છે.

જામનગરના હોસ્પિટલ રોડ પર આવેલા સ્વામી વિવેકાનંદ સર્કલ નજીકના તનિષ્ક જ્વેલરી શો રૂમમાં આજે એક મહિલા ગ્રાહકના સ્વાંગમાં શો રૂમમાં દાખલ થઇ  હતી અને સોનાના બ્રેસલેટ જોઈ રહી હતી ત્યારે સેલ્સ ગર્લની નજર ચૂકવીને ગ્રાહકના સ્વાંગમાં આવેલી ચોર મહિલા સોનાનું બ્રેસલેટ લઈને નાસી છુટી હતી શો રૂમમાં સીસીટીવી કેમેરા લાગેલા હોય, મહિલાની ચોરી તીસરી આંખમાં કેદ થઇ છે. આ અંગે  પોલીસને જાણ કરવામાં આવતા પોલીસ સ્થળ પર દોડી ગઈ હતી અને તપાસ ચલાવી હતી. શુક્રવારે એસબીઆઈ બેંકમાં લાખોની ચોરીની ઘટના બાદ આજે ફરીથી શહેરના પોશ વિસ્તારમાં આવેલ જ્વેલરી શોરૂમમાં ધોળે દહાડે ચોરીના બનાવથી સમગ્ર વિસ્તારમાં ચકચાર મચી છે પોલીસે સીસીટીવી ફૂટેજને આધારે તપાસ હાથ ધરી છે.  તેમજ અજાણી મહિલા સામે ફરિયાદ નોંધવા તજવીજ આદરી છે.

ઉલ્લેખનીય છે કે, છેલ્લા ઘણા સમયથી ચોરીના બનાવો વધી રહ્યા છે. એક દિવસ પહેલા સ્ટેટ બેન્ક ઓફ ઈન્ડિયાના કેશિયરના કાઉન્ટરમાં રાખેલા લાખો રૂપિયા ચોરાઈ ગયા હતા. ચોરો પોલીસને સીધો પડકાર ફેંકી રહ્યા છે  હોય તેમ લાગી રહ્યું છે.

(12:21 am IST)
  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST

  • દિલ્હીના ગ્રેટર નોએડાના સૂરજપુર વિસ્તારની એક સોસાયટીમાં રહેતા ઇન્ટરનેશનલ મુક્કાબાજ જિતેન્દ્ર માનનો મૃતદેહ મળી આવતા સનસનાટી મચી જવા પામી છે. જિતેન્દ્રના શરીર પર ગોળીના નિશાન મળી આવતાં હત્યાની આશંકા સેવાય રહી છે. જિતેન્દ્ર બોક્સિંગમાં નેશનલ ચેમ્પિયન પણ રહી ચૂક્યો છે. access_time 3:10 pm IST

  • પૂર્વીય અમેરિકામાં રાતોરાત તાપમાન આવ્યું નીચે : લોકો ત્રાહિમામ : જબરદસ્ત ઠંડી ફરી એકવાર પડવાના એંધાણ : તળાવોમાં એકાએક માંડ્યો બરફ જામવા : લોકોને સાવચેત રેહવા તંત્રે કરી અપીલ access_time 12:44 am IST