Gujarati News

Gujarati News

News of Saturday, 13th January 2018

વિસાવદરનાં ચાપરડાની સગીરા પર દુષ્કર્મ આચરનાર ગીરીશ પટેલની શોધખોળ

ભોગ બનનાર તરૂણીની ફરીયાદના આધારે તપાસ

જુનાગઢ, તા., ૧૩: વિસાવદરનાં ચાપરડાની સગીરા પર દુષ્કર્મ આચરનાર નરાધમ ગિરીશ પટેલની પોલીસે શોધખોળ હાથ ધરી છે.

વિસાવદર તાલુકાનાં ચાપરડા સગીરાને તેના જ ગામનો ગિરીશ બોઘા પટેલ નામનો શખ્સ રાત્રીના ૧ થી ૪ દરમ્યાન તેણીના ઘરેથી પોતાના મોટર સાયકલ પર ઉઠાવી ગયો હતો.

પોતાની વાડીએ લઇ જઇ ગીરીશે ઓરડીમાં ૧૭ વર્ષની તરૂણી પર બળાત્કાર ગુજાર્યો હતો. બાદમાં કિશોરીને ધમકી આપી તેને છોડીને ગીરીશ બોઘા નાસી ગયો હતો.

આ અંગેની ભોગ બનનાર યુવતીની વિસાવદર પોલીસે ફરીયાદ લઇ ધોરણસરની કાર્યવાહી હાથ ધરી હતી.

ડીવાયએસપી એમ.એસ.રાણાએ ત્વરીત તપાસ ધરી સગીરાનું નિવેદન લીધુ હતું તેમજ મેડીકલ ચેકઅપ કરાવ્યું હતું અને નાસી છુટેલો દુષ્કર્મી ગીરીશ પટેલને પકડી પ ાડવાના પ્રયાસો હાથ ધર્યા હતા.

દરમ્યાનમાં લોકોએ પોલીસ તપાસ કરતી ન હોવાના આક્ષેપ સાથે ચક્કાજામ કરી રોષ વ્યકત કર્યો હતો.(૪.૪)

(12:08 pm IST)
  • ઉમા ભારતી નારાજ છે દિલ્હી છોડીને ભોપાલમાં : કેન્દ્રીય મંત્રી ઉમા ભારતી દિલ્હી છોડીને ભોપાલમાં છે : મોદી કેબીનેટમાં પોતાની સ્થિતિને લઈને પરેશાન છે ઉમા ભારતી access_time 12:54 pm IST

  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST

  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે ​​તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના ​​કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી. access_time 12:45 am IST