Gujarati News

Gujarati News

News of Saturday, 13th January 2018

મોરબીના વનાળીયા પાસે અકસ્માતમાં સરપંચના ભાઇના મોતથી અરેરાટી

માળીયા મિંયાણાના વર્ષામેડી નજીક ટેન્કર પલ્ટી ખાતા આઘેડનું મોત

વનાળીયા પાસે સર્જાયેલ અકસ્માતની તસ્વીર.

મોરબી તા. ૧૩ :.. મોરબીના વનાળીયા નજીક અકસ્માતમાં સરપંચના ભાઇનું મોત નિપજતા અરેરાટી વ્યાપી ગઇ છે.

મળતી વિગતો મુજબ મોરબીના વનાળીયા ગામ નજીક બાઇક પર જઇ રહેલા ગણેશ જેઠાભાઇ મેરજા રહે. નારણકાવાળાને ટ્રકના ચાલકે ઠોકર મારતા બાઇક સવાર ગણેશ મેરજા (ઉ.પપ)નું ઘટના સ્થળે જ મોત નિપજયું હતું મૃતદેહને પીએમ અર્થે હોસ્પીટલે ખસેડી પોલીસે વધુ તપાસ ચલાવી છે. તેમજ ટ્રકના ચાલક વિરૂધ્ધ ગુન્હો નોંધી ધોરણસરની કાર્યવાહી આદરી છે. મૃતક ગણેશભાઇ મેરજા નારણકા ગામના સરપંચના ભાઇ હોવાનું પણ જાણવા મળ્યું છે. નવલખી રોડ પર વધી રહેલા અકસ્માતનોને પગલે ગ્રામજનોમાં રોષ વ્યાપી ગયો છે.

બીજા બનાવમાં મોરબીની શ્રધ્ધાપાર્ક સોસાયટીના રહેવાસી રવીદાન નારૂભા ગઢવીએ માળીયા પોલીસ મથકમાં ફરીયાદ નોંધાવી છે કે માળીયાના વર્ષામેડી ગામ નજીક ટેન્કર નં. જીજે-૦૩ વાય ૮પ૩૧ ના ચાલક અબ્બાસ ભટ્ટી ટેન્કર ચલાવી રહ્યા હોય ત્યારે કોઇ કારણોસર ટેન્કર પલ્ટી જતા ટેન્કરમાં સવાર તેના ભાઇ અજીતદાન નારૂભા ગઢવીને શરીરે ગંભીર ઇજાઓ થતા તેનું મોત નિપજયુ હતું. માળીયા પોલીસે ટેન્કરના ચાલક વિરૂધ્ધ અકસ્માતનો ગુન્હો નોંધી વધુ તપાસ ચલાવી છે.

વોન્ટેડ આરોપી પકડાયો

એલસીબીના ઇન્ચાર્જ પીઆઇ આર. ટી. વ્યાસ સહિતની ટીમ નાસતા ફરતા આરોપીને ઝડપી લેવા પેટ્રોલીંગમાં હોય જે દરમિયાન ટંકારા પોલીસ મથકમાં પ્રોહીબીશનના ગુન્હામાં એક વર્ષથી નાસતો ફરતો આરોપી યશપાલસિંહ ઉર્ફે કુલદીપસિંહ ભવાનીસંહ ઝાલા (ઉ.ર૬) રહે. નેકનામ ટંકારા વાળાને ઝડપીને પોલીસ મથકમાં સોંપવામાં આવ્યો છે.

(12:07 pm IST)
  • ભારતીય ક્રિકેટ ટીમના પૂર્વ કેપ્ટન મોહમ્મદ અઝહરૂદ્દીનએ હૈદરાબાદ ક્રિકેટ એસોસિએશન (HCA) સામે મોટા આક્ષેપો કર્યા છે. અહેવાલો અનુસાર, અઝહરૂદ્દીને આક્ષેપ કર્યો છે કે હૈદરાબાદ ક્રિકેટ એસોસિએશનના કેટલાક સભ્યો તેમને HCA પ્રમુખની ચુંટણીમાં ભાગ લેવાથી રોકવા માંગે છે. access_time 1:19 pm IST

  • પૂર્વીય અમેરિકામાં રાતોરાત તાપમાન આવ્યું નીચે : લોકો ત્રાહિમામ : જબરદસ્ત ઠંડી ફરી એકવાર પડવાના એંધાણ : તળાવોમાં એકાએક માંડ્યો બરફ જામવા : લોકોને સાવચેત રેહવા તંત્રે કરી અપીલ access_time 12:44 am IST

  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST