Gujarati News

Gujarati News

News of Saturday, 13th January 2018

મિલ્કત વેરો ભરવામાં 'દાંડાઇ' કરનારા આસામીઓને મોરબીમાં નોટીસો

મોરબી તા. ૧૩ : મોરબીમાં મિલકત ધારકો વેરા ભરવામાં ઉદાસીનતા દાખવતા હોવાથી તંત્ર દ્વારા વેરા વસુલાત માટે આકરી કાર્યવાહી કરવાની ફરજ પડે છે મોરબી નગરપાલિકાએ આવા વેરા બાકી હોય તે આસામીઓને નોટીસ ફટકારવાની શરૂઆત કરી છે અને મિલકત જપ્તી જેવી કાર્યવાહી કરવામાં આવશે તેમ પણ ટેકસ અધિકારી જણાવે છે.

મોરબી નગરપાલિકા હદ વિસ્તારમાં ઘર, દુકાન સહિતની મિલકત ધરાવતા આસામીઓ વેરા ભરવામાં ઉદાસીન વલણ દાખવે છે ત્યારે પાલિકા તંત્ર પણ આવા આસામીઓ સામે કાર્યવાહી કરે છે. મોરબી નગરપાલિકા દ્વારા હાલ ૨૫ હજારથી વધુ વેરા ભરવાના બાકી હોય તેવા ૬૭૫ થી વધુ આસામીઓને નોટીસ પાઠવવામાં આવી છે અને આગામી દિવસોમાં ૫૦ હજારથી લાખ રૂપિયા વેરા અને તેથી વધુ વેરા બાકી હોય તેવા આસામીઓને નોટીસ પાઠવાશે અને ત્યારબાદ પણ જો વેરો ભરવામાં ના આવે તો જપ્તી નોટીસો અપાશે તેમજ મિલકત જપ્તી સહિતની કાર્યવાહી કરવામાં આવશે તેમ મોરબી નગરપાલિકાના ટેકસ વિભાગના અધિકારી નરેન્દ્રસિંહ જાડેજાએ જણાવ્યું છે.

(12:00 pm IST)
  • દિલ્હીના ગ્રેટર નોએડાના સૂરજપુર વિસ્તારની એક સોસાયટીમાં રહેતા ઇન્ટરનેશનલ મુક્કાબાજ જિતેન્દ્ર માનનો મૃતદેહ મળી આવતા સનસનાટી મચી જવા પામી છે. જિતેન્દ્રના શરીર પર ગોળીના નિશાન મળી આવતાં હત્યાની આશંકા સેવાય રહી છે. જિતેન્દ્ર બોક્સિંગમાં નેશનલ ચેમ્પિયન પણ રહી ચૂક્યો છે. access_time 3:10 pm IST

  • મુંબઈમાં સવારે થયેલ ઓએનજીસી હેલિકોપ્ટર દુર્ઘટનામાં અત્યાર સુધીમાં 5 મૃતદેહ મળી આવ્યા છે : કુલ 7 લોકો હેલિકોપ્ટરમાં સવાર હતા access_time 7:38 pm IST

  • ભરશિયાળે ભરૂચમાં કમોસમી માવઠું : મોડી રાત્રે શહેરના અનેક વિસ્તારોમાં પડ્યા વરસાદી છાટા : વાતાવરણમાં પ્રસરી ઠંડક access_time 11:41 pm IST