Gujarati News

Gujarati News

News of Friday, 12th October 2018

બાંટવા પાસે પાણીની બોટલો હોવાનું કહેતા ટ્રકમાં તપાસ કરતા ૨૦.૫૨ લાખનો દારૂ ઝડપાયો

જૂનાગઢ તા. ૧૨ : બાંટવા પાસેથી રાત્રે પોલીસે રૂ. ૨૦.૫૨ લાખના વિદેશી દારૂ ભરેલા ટ્રક સાથે યુપીના બે શખ્સની ધરપકડ કરી કુલ રૂ. ૨૯.૫૫ લાખનો મુદ્દામાલ કબ્જે કરતા બુટલેગરોમાં હલચલ મચી ગઇ હતી.

આ અંગેની વિગતો એવી છે કે, એસ.પી.સૌરભસિંઘની સુચનાથી માણાવદર નજીકના બાંટવાના પી.એસ.આઇ. આર.કે.રાઠવા રાત્રે સ્ટાફ સાથે બાંટવા બાયપાસ પર વાહન ચેકીંગમાં હતા. ત્યારે એમએચ-૦૪સીયુ-૪૪૩૦ નંબરનો ટોરસ ટ્રક રોકીને પી.એસ.આઇ. રાઠવાએ ટ્રકમાં શું ભર્યુ છે તેમ ંપૂછતા ટ્રક ડ્રાઇવરે પાણીની બોટલો હોવાનું કહ્યું હતું.

પરંતુ પોલીસને શંકા જતાં ટ્રક પરની તાડપત્રી ઉચકાવીને જોતા રૂ. ૨૦,૫૨,૦૦૦ની કિંમતના વિદેશી દારૂની ૬૮૪૦ બોટલ મળી આવી હતી.

આ દરમિયાન ટ્રકમાંથી ત્રણ નાસી ગયા હતા પરંતુ પોલીસે પીછો કરીને ઉત્તરપ્રદેશનો સમીરખાન જબરખાન શેખ અને સલમાન સુલતાન અબાસીને ઝડપી લીધા હતા.

જોકે, યુપીનો સકીલખાન અબાસી પોલીસને હાથ લાગ્યો ન હતો. પોલીસે દારૂ અને રૂ. ૯ લાખની કિંમતનો ટ્રક સહિત કુલ રૂ. ૨૯.૫૫ લાખનો મુદ્દામાલ કબ્જે કર્યો હતો.

દારૂ સાથે ઝડપાયેલો ટ્રક કુતિયાણાથી જૂનાગઢ તરફ જતો હતો. આમ, પોલીસે ઓપરેશન પાર પાડીને મોટા જથ્થામાં વિદેશી દારૂ પકડી પાડતા બુટલેગરોમાં ફફડાટ વ્યાપી ગયો છે.(૨૧.૧૬)

(12:14 pm IST)
  • જૂનાગઢ-વંથલીના બરવાળા નવલખી રોડ પરથી પોલીસે રેતી ભરેલ ઓવરલોડેડ નવ ડંપર ઝડપી પાડયા :તમામને મેમો ફટકાયોઁ access_time 11:16 pm IST

  • લખનૌમાં સમાજવાદી પાર્ટીના મુખ્યાલયમાં ભાજપના સાંસદ શત્રુઘ્નસિંહા અને યશવંતસિંહાએ કેન્દ્ર સરકાર પર આકરા પ્રહાર કર્યા :સમાજવાદી પાર્ટીના કાર્યક્રમમાં શત્રુઘ્નસિંહાએ કહ્યું કે સતા સેવાનું માધ્યમ છે મેવાનું નહીં :જો સાચું બોલવું બગાવત છે તો હું બાગી છું ;યશવંતસિંહાએ કેન્દ્ર સરકાર ,મોદી અને અમિતભાઇ શાહને આડકતરી રીતે નિશાને લીધા હતા access_time 1:20 am IST

  • સુરેન્દ્રનગરમાં નર્મદા કેનાલમાં ગાબડા પડવાની ઘટના યથાવત:પાટડી તાલુકાની પળોજણ : સુરેન્દ્રનગરના જેનાબાદ અને રસુલાબાદ વચ્ચે કેનાલમા ગાબડુ:ઝીઝુવાડા શાખા કેનાલમા પડયુ ગાબડું:આજુબાજુ ખેતરોમાં ફરી વળ્યું પાણી.:કેનાલમાં ગાબડુ પડતા હજારો લીટર પાણીનો વેડફાયુ :કપાસના પાકને નુકશાન access_time 5:42 pm IST