Gujarati News

ગોંડલ તા.૧૨ : કોલેજ ચોકમાં રોજની ૫૦૦ જેટલી એસટી બસો આવજા કરે છે અને ભારે વાહનો રાજકોટ તરફ તેટલા જ આવજા કરે છે ત્યારે અહીના સ્કુલોના વિદ્યાર્થીનો ટ્રાફીક હોવાથી મોટા વાહનો રોંગસાઇડમાં ઘસી આવે છે અને અકસ્માતો નોતરે છે.

કોલેજ ચોકના બંને ચોક વચ્ચેના રસ્તે તુરંત ડીવાઇડર મુકવાની માંગણી ઉઠી છે.

સુધરાઇ સત્તાધિશો સિમેન્ટ રોડમાં દોડતા વાહનોની ગતિ નિયંત્રણ રાખવા રોડમાં સ્પીડ બ્રેકર મુકતા નથી તેથી માતેલા સાંઢની જેમ સિમેન્ટ રોડ પર દોડતા મોટા વાહનોને બ્રેક લાગતી નથી અને જીવલેણ અકસ્માતો સર્જાય છે. આવો જ અકસ્માત એસટી બસે થોડા દિવસ પહેલા જ સર્જેલ અને નિર્દોષ વ્યકિતનો ભોગ લીધેલ તયારે ધૂળના સ્પીડ બ્રેકર બનાવી આ ચોકમાં નાખેલ હતા. જેથી ચાર રસ્તે વાહનો ધીમે ચાલે અને અકસ્માતો ન સર્જે. આ અંગે ઘટતુ કરવા નગરપાલીકાના સતાધિશો અને ટ્રાફીક પોલીસ સંયુકત રીતે વાહનોની ગતિ નિયંત્રણ કરે અને ફોલ્ડીંગ ડીવાઇડર તુરંત નખાવે તેવી માંગણી ઉઠી છે.(૪૫.૩)