Gujarati News

Gujarati News

News of Friday, 12th October 2018

પાટડી તાલુકાના ખેડૂતો દ્વારા જો કેનાલમાં પાણી નહિ મળે તો ચૂંટણી બહિષ્કારની ચીમકી

સુરેન્દ્રનગર તા. ૧૨ : પાટડી તાલુકામાં ઓડુ માઇનોર કેનાલ બન્યાને આઠ વર્ષ વિતવા છતાં આજ દિન સુધી આ કેનાલમાં પાણી ન છોડાતા રોષે ભરાયેલા ઓડુ ગામના ખેડૂતોએ મામલતદાર કચેરીનો ઘેરાવ કરી હલ્લાબોલ મચાવ્યો હતો. અને આગામી દસદિવસમાં કેનાલમાં પાણી છોડવામાં નહીં આવે તો કો ગાંધી ચિંધ્યા માર્ગે આંદોલન કરવાની સાથે આગામી રાજકીય ચૂંટણીઓનો સંપૂર્ણ બહિષ્કાર કરવાની સાથે ભવિષ્યની ચૂંટણીઓ માટે મત માંગવા  ગામના દરવાજા કાયમ માટે બંધ થઇ જશે એવી ચીમકી પણ ઉચ્ચારવામાં આવી હતી.

ગામમાં નર્મદા કેનાલરીપેરીંગ માટે કે અન્ય કોઇ કામ માટે નર્મદાના અધિકારીઓ કે કોન્ટ્રાકટરો દેખાશે તો તેમને અમે ભગાડીશુ અને તેના પરિણામ માટે નર્મદા શાખાના અધિકારીઓ જવાબદાર રહેશે. આ અંગે ઓડુ ગામના સરપંચ ભગાભાઇ ઠાકોર સહિતના ખેડૂતોએ આક્રોશ સાથે જણાવ્યું કે આગામી દશ દિવસમાં અમારા ગામનો વર્ષો જૂના નર્મદા કેનાલના પ્રશ્નનો નિવેડો નહીં આવે તો અમે તમામ ખેડૂતો લોહીથી સહીકરેલું આવેદનપત્ર આપતા પણ ખચકાઇશું નહીં. જયારે પાટડી નાયબ કલેકટર રૂતુરાજભાઇ જાદવ અને મામલતદાર પી.કે.ખરાળીએ જણાવ્યું કે અમે હાલ ઓડુ સહિતના ગામોમાં નર્મદા વિભાગના અધિકારીઓ સાથે મુલાકાત લઇને આવ્યા છીએ. અને આ પ્રશ્નનો તાકીદે નિકાલ કરવાની સુચનાઓ પણ આપી દેવામા આવી છે.(૨૧.૧૨)

(12:04 pm IST)
  • અરવલ્લી:મોડાસા માર્કેટયાર્ડમાં વેપારીઓનો હોબાળો:દબાણ દૂર કરતા પહેલા વેપારીઓમાં રોષ:૯૮ વેપારીઓને નોટિસની મુદત પૂર્ણ થતા કાર્યવાહી :આજે દબાણ દૂર કરવાની કાર્યવાહી હાથ ધરાશે:૧૦૦થી વધુ પોલીસ કાફલા સાથે કાર્યવાહી કરાશે:૩૦ વર્ષથી દુકાન ચલાવતા વેપારીઓ રડી પડ્યા access_time 5:41 pm IST

  • સુરત :ઓલપાડના કિમ ગામે હીરાપન્ના ૧ સોસાયટીમાં હત્યા:પતિએ ગાળું દબાવી પત્નીની કરી હત્યા:પત્નીની હત્યા બાદ પતિએ કર્યો આપઘાત:પતિએ પંખા વડે લટકી કર્યો આપઘાત:પતિ દ્વારા પત્નીની હત્યા કરવાનું કારણ અકબંધ:હીરાપન્ના સોસાયટીમાં પતિ-પત્નીના મોતને લઈ ચકચાર:કિમ પોલીસે ઘટના સ્થળે પહોંચી તપાસ હાથ ધરી:મૃતક પતિ-પત્નીના મૃતદેહને પીએમ માટે મોકલી પોલીસે આગળની તપાસ હાથ ધરી.. access_time 5:40 pm IST

  • તેલંગણામાં જબરી રાજકીય હલચલ :કોંગ્રેસના વરિષ્ઠ નેતાની પત્ની સવારે ભાજપમાં જોડાયા બાદ મોડીરાત્રે કોંગ્રેસમાં વાપસી :રાજનરસિંમ્હાની વરિષ્ઠતાને લઈને પદ્મિની ભાજપમાં સામેલ થતા કોંગ્રેસને ભારે શર્મીદગીનો સામનો કરવો પડ્યો :વરિષ્ઠ નેતા સી,દામોદર રાજનસિંમ્હાની પત્ની પદ્મિની રેડ્ડી મોડીરાત્રે ફરી કોંગ્રેસમાં પાછા આવ્યા :રાજનરસિંમ્હા અવિભાજ્ય આંધ્રપ્રદેશના તત્કાલીન મુખ્યમંત્રી એન,કિરણકુમાર રેડ્ડીના મંત્રીમંડળમાં ઉપમુખ્યમંત્રી હતા access_time 1:15 am IST