Gujarati News

Gujarati News

News of Friday, 12th October 2018

તરઘડીયાના પટેલ વૃધ્ધા હંસાબેન વસોયાએ આજીડેમમાં પડતું મુકવાનો પ્રયાસ કર્યો

કાંઠા પર લપસી પડતાં ઇજાઃ મગજની બિમારીને કારણે પગલુ ભર્યુ

રાજકોટ તા. ૧૨: કુવાડવાના તરખઘડીયા ગામે રહેતાં હંસાબેન મકનભાઇ વસોયા (ઉ.૬૦) નામના લેઉવા પટેલ વૃધ્ધા ગઇકાલે સવારે દવા લેવા જવાનું કહી ગામડેથી નીકળી ગાય બાદ આજીડેમે પહોંચી પાણીમાં પડતું મુકવા જતાં કાંઠા પર પડી જતાં ઇજા થતાં સિવિલ હોસ્પિટલમાં ખસેડાયા હતાં.

બનાવની જાણ થતાં હંસાબેનના પુત્ર, પતિ, જમાઇ સહિતના પરિવારજનો હોસ્પિટલે પહોંચ્યા હતાં. હંસાબેનને સંતાનમાં એક પુત્ર રસિકભાઇ અને ત્રણ પુત્રી છે. પુત્ર રસિકભાઇને રાજકોટમાં મોરબી રોડ પર શિવમ્ પાર્કમાં મકાન છે. માતા-પિતા તેની સાથે જ રહે છે. પણ હાલમાં થોડા દિવસથી બધા તરઘડીયા રહેવા ગયા હતાં. રસિકભાઇના કહેવા મુજબ માતા હંસાબેનને મગજની બિમારી હોઇ ઘરેથી નીકળી જઇ ડેમમાં પડતું મુકવા પ્રયાસ કર્યો હતો. ત્યારે કાંઠા પર લપસી જતાં ઇજા થઇ હતી. હોસ્પિટલ ચોકીના સ્ટાફે આજીડેમ પોલીસને જાણ કરી હતી. (૧૪.૫)

(12:01 pm IST)
  • બિલ્ડરોને મોટી રાહત :બાંધકામ પ્લાન ઓફલાઈન પાસ કરવાનું ચાલુ રાખવા નિર્ણય :ODPS અને સૌથી મહત્વનો નિર્ણંય :તહેવારોને લઈને કરાઈ જાહેરાત :મુખ્યમંત્રીનો આભાર વ્યક્ત કરતુ રાજકોટ બિલ્ડર એસો,અને ક્રેડાઈઃ ગુજરાત access_time 12:05 am IST

  • રાજયના ૧૧૪ સબ રજીસ્ટ્રારની બદલી : રાજકોટના ૩ ઝોનમાં ફેરફાર :ગાંધીનગર નોંધણીસર નિરીક્ષકની કચેરી દ્વારા રાજયના ૧૧૪ સબ રજીસ્ટર-ર(વર્ગ-૩)ની અરસપરસ બદલીના હુકમો કરાયા છે જેમાં રાજકોટમાં સબ રજીસ્ટર ઝોન-૧માં બઢતી સાથે રાજયગુરૂને ઝોન-રમાં નવા સબ રજીસ્ટરની જગ્યા ઉભી કરી પી.કે.મોદીને, ઝોન-૩માં બઢતી સાથે કારીયાને તથા ઝોન-૮માં બઢતી સાથે કરકરેને મુકવામાં આવેલ છે. access_time 4:48 pm IST

  • લખનૌમાં સમાજવાદી પાર્ટીના મુખ્યાલયમાં ભાજપના સાંસદ શત્રુઘ્નસિંહા અને યશવંતસિંહાએ કેન્દ્ર સરકાર પર આકરા પ્રહાર કર્યા :સમાજવાદી પાર્ટીના કાર્યક્રમમાં શત્રુઘ્નસિંહાએ કહ્યું કે સતા સેવાનું માધ્યમ છે મેવાનું નહીં :જો સાચું બોલવું બગાવત છે તો હું બાગી છું ;યશવંતસિંહાએ કેન્દ્ર સરકાર ,મોદી અને અમિતભાઇ શાહને આડકતરી રીતે નિશાને લીધા હતા access_time 1:20 am IST