Gujarati News

Gujarati News

News of Thursday, 12th September 2019

ભાવનગરના માતલપરની પ્રાથમિક શાળાના આચાર્યએ શિક્ષિકાનું બાવડુ પકડી છેડતી કરી : અન્ય ૩ શિક્ષિકાઓએ માર માર્યો

ભાવનગર, તા. ૧ર : ભાવનગરના જેસર તાલુકાના માતલપર ગામની પ્રાથમિક શાળામાં શિક્ષિકા તરીકે ફરજ બજાવતી એક શિક્ષિકાએ આ શાળાની અન્ય શિક્ષિકાઓ વૈશાલીબેન, શીતલબેન અને કિષ્ણાબેન તેમજ શાળાના આચાર્ય જીતેષ પટેલ વિરૂદ્ધ એવી ફરીયાદ નોંધાવી હતી કે ગઇ તા. ૩૧/૮ના રોજ આ શિક્ષિકાઓ પોતાના વર્ગમાં તેણી ન હોય તે પ્રકારનો મોબાઇલમાં ફોટો પાડી આચાર્યને તેણી ગેરહાજર હોવાની રજુઆત કરી હતી.

દરમ્યાન ગત તા. ૪/૯ના રોજ રીશેશમાં તેણીએ આ અંગે ત્રણેય શિક્ષિકાઓ સાથે વાતચીત કરતા ત્રણેય ઉશ્કેરાઇ જઇ તેણી ઉપર હુમલો કરી ઢીકા-પાટુનો માર મારી ઇજાઓ પહોંચાડી હતી.

જે દરમ્યાન આચાર્ય જીતેષ પટેલ આવ્યા હતા અને તેણીનું બાવડુ જાલી છેડતી કરી તેણીનો મોબાઇલ તોડી નુકસાન કર્યું હતું.

આ અંગે શિક્ષિકાએ નોંધાવેલ ફરીયાદને આધારે બગદાણા પોલીસે ગુન્હો નોંધી વધુ તપાસ હાથ ધરી છે. આ બનાવથી ચકચાર જાગી હતી. (૮.૬)

(11:34 am IST)
  • અમદાવાદ : સિવિલ હોસ્પિટલના કેન્સર વિભાગમાં લાગી આગ: ફાયરની 4 ગાડી ઘટના સ્થળે દર્દીઓને સલામત જગ્યાએ ખસેડવામાં આવ્યા access_time 1:02 am IST

  • દિલ્હીની સરકારી હોસ્પિટલોમાં VIP માટેની અલગ સુવિધા રદ : તમામ નાગરિકને સમાન આરોગ્ય સેવા મેળવવાનો અધિકાર : મુખ્ય મંત્રી કેજરીવાલની ટ્વીટર ઉપર ઘોષણાં access_time 8:12 pm IST

  • કાંગોમાં છ દિવસની શોધખોળ બાદ સૈન્ય ઓફિસર ગૌરવ સોલંકીનો મૃતદેહ મળ્યો :યુએન શાંતિ મિશન અંતર્ગત કાંગોમાં તૈનાત હતા લેફ્ટન્ટ કર્નલ સોલંકી :8 સપ્ટેમ્બરથી ચેંગેરા ટાપુ પાસે કિબુ લેકમાં ક્યાકીંગ કરવા ગયા હતા : તેઓના બાકીના સાથીદારોથી વિખુટા પડ્યા હતા access_time 1:09 am IST