Gujarati News

Gujarati News

News of Wednesday, 11th September 2019

કોઝવે પર પાણી ભરાતા માંગરોળ-કેશોદ માર્ગ બંધ-સુલતાનાબાદ પાસે પુલની રેલીંગ તુટી

બાંટવા ખારો ડેમ ઓવરફલોઃ ૬ દરવાજા ખોલાયા

 

જુનાગઢ, તા., ૧૧: જુનાગઢ જિલ્લામાં સવારથી ભારે વરસાદથી નુકશાનના સમાચાર પ્રાપ્ત થયા છે.

કોઝવે પર ભારે વરસાદથી પાણી ભરાતા માંગરોળ અને કેશોદ વચ્ચેનો રસ્તો બંધ થઇ ગયો હોવાનું જાણવા મળેલ છે.

આજ પ્રમાણે માણાવદર પંથકમાં ભારે વરસાદની સુલતાનાબાદ ગામ પાસેના પુલની રેલીંગ તુટી હોવાના સમાચાર છે. જો કે કોઇ પ્રકારની જાનહાની થઇ નથી.

માણાવદર તાલુકામાં ધોધમાર વરસાદથી બાંટવા ખારો ડેમ ઓવરફલો થઇ ગયો છે. આથી આ ડેમના છ દરવાજા બે-બે ફુટ ખોલવાની ફરજ પડી છે.

બાંટવા ખારો ડેમ છલોછલ થઇ જવાના કારણે આ જળાશયની નીચે આવતા ગામોને સાવચેત કરવામાં આવી છે.

જુનાગઢ અને ગિરનાર ઉપરાંત દાતાર વિસ્તારમાં આજના વરસાદથી આણંદપુર ડેમ, વિલીગ્ડન ડેમ અને ઉપર સિંહ તળાવ ઓવરફલો થયેલ છે.

જુનાગઢની સોનરખ નદી અને કાળવામાં ઘોડાપુર આવેલ છે. જયારે દામોદર કુંડ આજે ફરી બેકાંઠે થયેલ છે.

(1:11 pm IST)
  • બ્રાયન ટોલએ આર્ટિકલ 370 પર ભારતનું કર્યું સમર્થન : ગિલકિત ને બાલટિસ્તાનને ગણાવ્યો ભારતનો હિસ્સો : યુરોપીય આયોગના પૂર્વ નિર્દેશક બ્રાયન ટોલે જિનિવામાં કહ્યું કે આર્ટિકલ 370 હટાવવાથી કાશ્મીરના લોકોને સમાન આર્થિક અવસર મળશે : સરકારની માફક તેને પણ આશા છે કે કાશ્મીરીઓ માટે સારું પગલું સાબિત થશે access_time 1:19 am IST

  • દિલ્હીની સરકારી હોસ્પિટલોમાં VIP માટેની અલગ સુવિધા રદ : તમામ નાગરિકને સમાન આરોગ્ય સેવા મેળવવાનો અધિકાર : મુખ્ય મંત્રી કેજરીવાલની ટ્વીટર ઉપર ઘોષણાં access_time 8:12 pm IST

  • સચિવાલય અનેવિધાનસભા માં પ્રવેશ લેવા માટે હેલ્મેટ અને સીટબેલ્ટ ફરજીયાત: ,સચિવાલય અને વિધાનસભાના તમામ ગેટ ઉપર હાથ ધરાશે ચેકીંગ access_time 8:56 pm IST