Gujarati News

રાજકોટઃ રાજકોટ જીલ્લાના બામણબોર પાસેના ડોસલીધુનાનો ડેમ ઓવરફલો થતાં બામણબોર, નવાગામ, ગારીડા અને ડોસલીધૂના નામના ચાર ગામોના ખેડૂતો-માલધારી સમાજમાં ખુશીની લ્હેર છવાઇ ગઇ છે. બામણબોરની નદીઅ બે કાંઠે થઇ જતાં ગામલોકો ખુશખુશાલ થયા છે. ડેમ છલકાઇ ગયા હોઇ ખેડૂતોને પિયત માટે પણ ખુબ લાભ થશે. ઘેર-ઘેર લાપસીના આંધણ મુકાયા હતાં. બારેમાસ ચાલે એટલુ પાણી બે જ દિવસમાં આવી જતાં સોૈ ખુશ છે. તસ્વીર બામણબોરના બાબુલાલ ડાભીએ મોકલી હતી.