Gujarati News

Gujarati News

News of Friday, 12th July 2019

ગોંડલના ત્રાકુડાનો બુસેલા તાવ વિધાનસભામાં ચમકયો

સરકારે લીધેલા પગલાની માહિતી આપી

ગાંધીનગર તા. ૧ર :.. ગોંડલ તાલુકાના ત્રાકુડા ગામમાં બુસેલા તાવના વાયરા અંગે પૂંજાભાઇ વંશે વિધાનસભામાં પ્રશ્ન ઉઠાવતા આરોગ્ય મંત્રીએ  સરકારે લીધેલા પગલાની માહિતી આપી હતી.

આરોગ્ય મંત્રીએ જણાવેલ કે તા. ૧-૭-ર૦૧૯ ના રોજ પ્રાથમિક આરોગ્ય કેન્દ્ર ત્રાકુડા, તા. ગોંડલ, જિ. રાજકોટની ટીમ દ્વારા દર્દીના ગામ હડમતાળાની મુલાકાત લઇ તપાસ કરવામાં આવેલ. તા. ૪-૭-ર૦૧૯ ના રોજ પી.ડી.યુ. મેડીકલ કોલેજ, રાજકોટના મેડીસીન, બાળરોગ નિષ્ણાત, પીએસએમ વિભાગના નિષ્ણાત અને આરોગ્ય વિભાગના ઉચ્ચ અધિકારીઓની રેપીડ  રીસ્પોન્સ ટીમને સ્થળ મુલાકાત કરી રોગની વિગતવાર તપાસ કરેલ છે.

મેડીકલ ઓફીસર શ્રી, પ્રા. આ. કે. ત્રાકુડા અને આરોગ્યની ટીમો દ્વારા હડમતાળા ગામની ર૪પ૪ જેટલી વસ્તીમાં ઘરે ઘરે ફરી તાવ અને બ્રુસેલાના અન્ય લક્ષણો ધરાવતા કેસોનું સર્વેલન્સ કરવામાં આવેલ. જેમાં કોઇ નવો કેસ માલુમ પડેલ નથી.

દર્દીના કુટુંબના કુલ ૮ સભ્યોનું દરરોજ તાવ અને અન્ય લક્ષણો અંગે આગામી ૧પ દિવસ સુધી ફોલોઅપ કરવામાં આવશે. 

પશુપાલન વિભાગ દ્વારા હડમતાળા ગામમાં પશુઓમાં રસીકરણ કરી રોગ અટકાયતી પગલા લેવામાં આવેલ છે.

(3:23 pm IST)
  • ત્રિપુરા ગ્રામ પંચાયત ચૂંટણીમાં સત્તામાં રહેલ ભાજપની બંપર જીત:. પાર્ટીનાં 83 ટકા ઉમેદવાર બિનહરીફ ચુંટાયા: સીપીઆઇએમ અને કોંગ્રેસ સહિત અનેક પાર્ટીઓનાં મોટાભાગની સીટો પર પોતાનાં ઉમેદવારો હટાવી લીધા. :ચૂંટણીમાં ગોટાળા અને હિંસાનો લગાવ્યો આરોપ access_time 1:00 am IST

  • જમ્મુ - કાશ્મીરના ક્રિષ્નાઘાટીમાં પાકિસ્તાન ભારે તોપમારો કરી રહ્યુ છે : પાકિસ્તાને ફરી એકવાર શસ્ત્ર વિરામનો ભંગ કરીને જમ્મુ કાશ્મીર નિયંત્રણ રેખા પાસેના ક્રિષ્નાઘાટી સેકટરમાં ભારે તોપમારો શરૂ કર્યાના અહેવાલ છે access_time 1:13 pm IST

  • જેડીએસનો આરોપ :સ્પીકર ઓફિસ પાસે હંગામો કરવા માટે ધારાસભ્યોને ઉશ્કેરે છે ભાજપના નેતા : જેડીએસના સત્તાવાર ટ્વીટર એકાઉન્ટ પર એક વિડિઓ જાહેર કર્યો :જેમાં એવો આક્ષેપ કરાયો કે ભાજપના નેતા સ્પીકરની ઓફિસ પાસે હંગામો કરવા ધારાસભ્યોને ભડકાવે છે access_time 1:07 am IST