Gujarati News

Gujarati News

News of Friday, 12th July 2019

ખેતી સાથે પશુપાલન કરી માળીલાના ગીરીશભાઇ એ મબલક કમાણી કરી

નાનકડા ગામમાં આદર્શ જીવન જીવી રહ્યા છે

અમરેલી તા.૧૨ : ગ્રામ્ય રોજગારી અને પૂરક આવક મેળવવા માટે ખેતી સાથે પશુપાલન અગત્યનું યોગદાન આપે છે. ખેડૂતની આવક બમણી થાય તેવા લક્ષ્યાંક સાથે રાજય સરકાર દ્વારા કૃષિની સાથે સાથે પશુપાલન માટે પણ અનેકવિધ યોજનાઓ અમલી છે. પશુપાલનએ ગામડાઓમાં ખેતીનો પૂરક વ્યવસાય છે. નાના અને સીમાંત ખેડૂતો માટે આજીવીકા વધારવાના મુખ્યસ્ત્રોત્ર તરીકે પશુપાલન શ્રેષ્ઠ વિકલ્પ છે.

માળીલા એ અમરેલીથી ચલાલા જતા રસ્તા પરનું ખારા પાટ વિસ્તારનું એક સમૃદ્ઘ ગામ. થોડા સમય પહેલા આ જ ગામના આત્મા પ્રોજેકટમાં જોડાયેલા ગીરીશભાઇ વાળા ખેતી સાથે પશુપાલન દ્વારા વાર્ષિક અંદાજે ૨ થી ૩ લાખ મેળવે છે. આંગણે ૮ જાફરાબાદી ભેંસો સહિત કુલ ૧૩ જેટલું પશુધન ધરાવતા પશુપાલક મિત્ર ગીરીશભાઈ પોતાના ગામમાં એક આદર્શ જીવન જીવે છે. છેલ્લા બે વર્ષોમાં રાજય સરકારની વિવિધ યોજનાઓ અંતર્ગત એમણે ખેતી અને પશુપાલન માટે સબસીડી અને લોન મેળવી હતી. ત્યારબાદ એમણે એમની કોઠાસૂઝ અને કઠિન પરિશ્રમ વડે પોતાની જીવનશૈલી જ બદલી નાખી છે. વર્ષો પહેલા પીટીસી કર્યા બાદ ગીરીશભાઈને શિક્ષક તરીકે નોકરી પણ મળી હતી પણ ગામડાનું જીવન જીવવા માટે એમણે નોકરી સ્વીકારી ન હતી. આ પ્રસંગ વાગોળતા એમણે કહ્યું હતું કે શહેરીકરણ પ્રત્યે મને ખુબ જ અણગમો છે. આપણા ગામડાઓની સંસ્કૃતિ જાળવવા માટે હું વર્ષોથી આ દિશામાં સૌને પ્રેરણા પણ આપું છું.

પોતાના પશુપાલન વ્યવસાય વિશે વાત કરતાં ગીરીશભાઈ કહે છે કે, નવીન કૃષિ ટઙ્ખકનોલોજી દ્વારા ખેતીમાં વધુ ઉત્પાદન મેળવવા બે વર્ષ પહેલા હું આત્મા પ્રોજેકટમાં જોડાયો હતો. જયાં પ્રવાસ અને ક્ષેત્રિય મુલાકાતો દરમ્યાન ખેતીની સાથે પશુપાલન કરતાં ખેડૂતોના અનુભવો સાંભળ્યા બાદ આત્મા પ્રોજેકટ થકી પશુપાલન અંગે માહિતી, માર્ગદર્શન તથા તાલીમ મેળવ્યા બાદ ભેંસોની ખરીદીમાં વધારો કરી ખેતી સાથે દૂધ ઉત્પાદન દ્વારા વધારાની આવક મેળવી હતી.

(11:40 am IST)
  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • મરાઠા અનામત મામલે બોમ્બે હાઇકોર્ટના ચુકાદા વિરુદ્ધ અરજી પર સુપ્રીમકોર્ટમાં સુનાવણી ;ચીફ જસ્ટિઝ રંજન ગોગોઈના અદ્યક્ષતાવાળી પીઠ સુનાવણી હાથ ધરશે:એક એનજીઓ દ્વારા દાખલ અરજીમાં કહેવાયું છે કે સુપ્રીમ કોર્ટે અનામતને લઇને 50 ટકા મર્યાદા નક્કી કરી હતી :હાઇકોર્ટનો ચુકાદો સુપ્રીમકોર્ટ વિરુદ્ધ છે access_time 1:07 am IST

  • અક્ષય સૌથી વધારે કમાણીકરનાર બોલિવુડ સ્ટાર છે : દુનિયાભરમાં એક વર્ષમાં સૌથી વધારે કમાણી કરનારા : સ્ટારોની યાદી જારી કરાઇ : ભારતથી માત્ર અક્ષરકુમાર સલમાન, આમીર, શાહરૂખ પાછળ રહી ગયા access_time 3:59 pm IST