Gujarati News

Gujarati News

News of Friday, 12th July 2019

કચ્છમાં આંગડીયા કર્મચારીના સ્કુટરમાંથી ૩૮ લાખની ચોરી

સીસીટીવી કુટેજના આધારે તસ્કરોને ઝડપી લેવા તપાસનો ધમધમાટ

ભુજ તા.૧ર : (ભુજ)ગાંધીધામમાં વાહનો અને લોકોની અવર જવરથી ધમધમતા સુંદરપુરી ઇફકો રોડ ઉપર સ્કુટરની ડીકીમાંથી કરાયેલ ૩૮ લાખની ચોરીએ ચકચાર સર્જી છે.ે ગઇકાલે સાંજે ૭ વાગ્યે અશોકકુમાર ગણપતલાલ આંગડીયામાં કામ કરતો કર્મચારી સુનિલ ચંદુલાલ પટેલ રોડ ઉપર ગાડી પાર્ક કરીને ખારેક લેવા ગયો હતો.

ત્યારે કોઇ ગઠિયો તેના એકિટવા સ્કુટરની ડીકીમાંથી ૩૮ લાખ રૂપિયાની ચોરી કરીને નાસી છુટયો હતો. કાળા કલરના પર્સમાં રાખેલ રોકડ ઉપરાંત આંગડીયા પેઢીનો રાખેલો હિસાબ પણ આ રોકડ સાથે હતો નજીકના ટી સ્ટોલ વાળાએ કોઇ અજાણ્યો શખ્સ પર્સ લઇને જતો હોવાનું જણાવ્યું હતું.

૩૮ લાખ જેવી માતબર રકમની ચોરીને પગલે ગાંધીધામ પોલીસે ઝીણવટપૂર્વક તપાસ હાથ ધરી છે. પોલીસ નજીકના અને મુખ્ય રોડ ઉપરના સીસીટીવી કુટેજ પણ ચકાસી રહી છે.

ફરીયાદી સુનિલ પટેલ આંગડીયા પેઢીનો જુનો કર્મચારી છે.

(11:45 am IST)
  • ત્રિપુરા ગ્રામ પંચાયત ચૂંટણીમાં સત્તામાં રહેલ ભાજપની બંપર જીત:. પાર્ટીનાં 83 ટકા ઉમેદવાર બિનહરીફ ચુંટાયા: સીપીઆઇએમ અને કોંગ્રેસ સહિત અનેક પાર્ટીઓનાં મોટાભાગની સીટો પર પોતાનાં ઉમેદવારો હટાવી લીધા. :ચૂંટણીમાં ગોટાળા અને હિંસાનો લગાવ્યો આરોપ access_time 1:00 am IST

  • ઘર ખરીદવાની ક્ષમતા ૪ વર્ષમાં સૌથી બદત્તરઃ રીઝર્વ બેંકનો રિપોર્ટ : સરકારે રાહતદરના મકાનો આપવાનો પ્રયાસ કર્યો હોવા છતાં પણ લોકોમાં ઘર ખરીદવાની ક્ષમતા ૪ વર્ષમાં સૌથી બદત્તર સ્થિતિમાં પહોંચી છેઃ દિલ્હી, મુંબઇ સહિત ૧૩ શહેરોના સર્વે બાદ રીઝર્વ બેંકે આ મૂજબ જણાવ્યું છે. ૪ વર્ષમાં આવકના મુકાબલે મકાનની કિંમત સૌથી વધુ વધી છે access_time 11:23 am IST

  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST