Gujarati News

Gujarati News

News of Friday, 12th July 2019

ગોંડલમાં બે સ્થળે વર્લીનો જૂગાર રમાડતા ૪ શખ્સો પકડાયાઃ એલસીબીના દરોડા

તસ્વીરમાં પકડાયેલ ચારેય શખ્સો નજરે પડે છે.

રાજકોટ તા. ૧ર :.. ગોંડલમાં રૂરલ ક્રાઇમ બ્રાંચે બે સ્થળે દરોડો પાડી વરલીનો જૂગાર રમાડતા ચાર શખ્સોને ઝડપી લીધા હતાં.

જીલ્લા પોલીસ અધિક્ષક બલરામ મીણાની સુચનાથી પો. ઇન્સ. એમ. એન. રાણા તથા શ્રી એચ. એ. જાડેજા સ્ટાફ સાથે ગોંડલ વિસ્તારમાં પેટ્રોલીંગમાં હતા. તે દરમ્યાન હકિકત મળેલ કે, ગોંડલ માર્કેટીંગ યાર્ડ માંથી વર્લી ફીચરના આંકડા લખતાં હસન અબ્બાસભાઇ ખીરાણી મતવા તથા શબ્બીર ઓસમાણભાઇ ગામોસ મતવા રહે. બંને ગોંડલ વાળાને વર્લી ફીચરના સાહીત્ય સાથે રોકડ રૂ. ૧૯૩૦ તથા બે મોબાઇલ-ર મળી કુલ મુદામાલ ર૯૩૦ સાથે પકડી પાડેલ છે.

બીજા દરોડામાં ગોંડલ જુના માર્કેટીંગ યાર્ડમાં શાહરૂખ કરીશા અલદઘરી ફકીર તથા મનીષ બૈજૂભાઇ બગથરીયા વાણંદ રહે. બંને ગોંડલ વાળાઓ વર્લી ફીચરના સાહિત્ય સાથે રોકડ રૂ. ૧૪,૮૪૦ તથા મોબાઇલ ૧ મળી કુલ મુદામાલ ૧પ,૩૪૦ સાથે પકડી પાડી ગોંડલ પોલીસને હવાલે કર્યા હતાં.

આ કાર્યવાહીમાં એલસીબીના એચ.સી. અનિલભાઇ ગુજરાતી, એચ.સી. રવીભાઇ બારડ, પી.સી. દિવ્યેશભાઇ સુવા તથા પી. સી. મયુરસિંહ જાડેજા સહિતનાઓ જોડાયા હતાં.

(11:26 am IST)
  • જેડીએસનો આરોપ :સ્પીકર ઓફિસ પાસે હંગામો કરવા માટે ધારાસભ્યોને ઉશ્કેરે છે ભાજપના નેતા : જેડીએસના સત્તાવાર ટ્વીટર એકાઉન્ટ પર એક વિડિઓ જાહેર કર્યો :જેમાં એવો આક્ષેપ કરાયો કે ભાજપના નેતા સ્પીકરની ઓફિસ પાસે હંગામો કરવા ધારાસભ્યોને ભડકાવે છે access_time 1:07 am IST

  • મરાઠા અનામત મામલે બોમ્બે હાઇકોર્ટના ચુકાદા વિરુદ્ધ અરજી પર સુપ્રીમકોર્ટમાં સુનાવણી ;ચીફ જસ્ટિઝ રંજન ગોગોઈના અદ્યક્ષતાવાળી પીઠ સુનાવણી હાથ ધરશે:એક એનજીઓ દ્વારા દાખલ અરજીમાં કહેવાયું છે કે સુપ્રીમ કોર્ટે અનામતને લઇને 50 ટકા મર્યાદા નક્કી કરી હતી :હાઇકોર્ટનો ચુકાદો સુપ્રીમકોર્ટ વિરુદ્ધ છે access_time 1:07 am IST

  • જસ્ટીસ અકિલ કુરેશી સંદર્ભનો કેસ ૧૫ જુલાઈએ સુપ્રિમ કોર્ટના ચીફ જસ્ટીસ સાંભળશે : જસ્ટીસ અકિલ કુરેશીને મધ્યપ્રદેશ હાઈકોર્ટના ચીફ જસ્ટીસ બનાવવા અંગેની ગુજરાત હાઈકોર્ટ એડવોકેટ એસોસીએશનની અરજીની સુનાવણી ૧૫ જુલાઈએ મુખ્ય ન્યાયાધીશ રંજન ગોગોઈની અધ્યક્ષતાવાળી બેન્ચમાં થશે access_time 1:12 pm IST