Gujarati News

Gujarati News

News of Thursday, 12th July 2018

મોરબી રોડ હડાળાના પાટીયે ઝૂપડામાં સુતેલા યુવાન મહેશનું સર્પદંશથી મોત

મુળ ગોધરાનો ૨૦ વર્ષનો યુવાન વિજલાઇન ફિટીંગનું કામ કરતો'તો

રાજકોટ તા. ૧૨: મોરબી રોડ પર હડાળા સબ સ્ટેશન પાસે ઝૂપડામાં રહેતાં મુળ ગોધરાના આદિવાસી યુવાનનું સાપ કરડી જતાં મોત નિપજ્યું છે.

મુળ ગોધરાના મોરવા તાલુકાના રજાતા ગામનો મહેશ કાંતિભાઇ નાયક (ઉ.૨૦) હાલ હડાળા પાસે ચાલતા જેટકોના ૪૦૦ કે. વી. લાઇન ફિટીંગના સ્થળે મજૂરી કરી ત્યાં જ ઝૂપડામાં રહેતો હોઇ રાત્રે સાપ કરડી જતાં સારવાર માટે રાજકોટ સિવિલ હોસ્પિટલમાં ખસેડાયો હતો. પરંતુ અહિ મોત નિપજ્યું હતું. હોસ્પિટલ ચોકીના થોભણભાઇ ટીલારાએ કુવાડવા પોલીસને જાણ કરી હતી. એએસઆઇ હમીરભાઇએ જરૂરી કાર્યવાહી કરી હતી.

મૃત્યુ પામનાર બે બહેન અને પાંચ ભાઇમાં નાનો હતો. તેના પિતા વતનમાં ખેત મજૂરી કરે છે. બનાવથી સાથી મજૂરોમાં શોક છવાઇ ગયો હતો.

(11:48 am IST)
  • જસદણમાં દોઢ ઇંચ : આટકોટમાં 4 ઇંચ જેવો ધમધોકાર વરસાદ ખાબક્યો રાજકોટ : આજે બપોર બાદ રાજકોટ સહીત જિલ્લામાં મેઘમહેર થઇ છે જેમાં ગોંડલમાં એક ઇંચ અને જસદણમાં પણ દોઢ ઇંચ વરસાદ થયો છે જયારે આટકોટમાં ધોધમાર 4 ઇંચ જેવો વરસાદ પડ્યો છે ભારે વરસાદ થતા રસ્તાઓમાં પાણી વહી ગયા હતા access_time 8:53 pm IST

  • જુનાગઢમાં ઘણા લાંબા સમય રાહ જોવડાયા બાદ ભારે વરસાદનુ આગમન : શહેરમાં લાઇટ જવાના પ્રશ્નોને પગલે પી.જી.વી.સી.એલના કમૅચારીઓ ભારે વરસાદ વચ્ચે કાર્યરત : ચાલુ વરસાદે પી. જી. વી. સી.એલના કર્મચારીઓ જીવ જોખમમાં મુકી કામ કરતા નજરે પડે છે.'અકિલા 'ના વાચક વાઢીયા મિતલકુમારએ મોકલેલ જુઓ વિડીયો access_time 11:20 pm IST

  • સુરેન્દ્રનગર:પાટડીના ધામા ગામે અજાણ્યા શખ્સ દ્વારા છરી મારી સગીરાની હત્યા: હત્યા કરી અજાણ્યો શખ્સ ફરાર.: ઘટનાની જાણ થતા પીલોસ દોડી : હત્યારાને શોધવા અને હત્યાના કારણ અંગે તપાસ શરૂ access_time 8:01 pm IST