Gujarati News

Gujarati News

News of Wednesday, 12th June 2019

ઉપલેટાના સેવાભાવી ડો.ગોપીબેનના દવાખાનાને ૫૦ વર્ષ પુર્ણ : નગરજનો દ્વારા સન્માન

ઉપલેટા તા.૧૨ : છેલ્લા ૫૦ વર્ષથી એક જ જગ્યાએ ડો.ગોપીબેનના દવાખાનાના નામે ગરીબ દર્દીઓને સહાયરૂપ થવાના એકમાત્ર ઇરાદાથી ચાલતા દવાખાને ૫૦ વર્ષ પુરા થતા તેમની ઉજવણીના ભાગરૂપે ડો.ગોપીબેનને સન્માનવાનો કાર્યક્રમ યોજાયો હતો.

સન્માન સમારંભ શહેરના આગેવાન અને રાજયના ભુતપુર્વ મંત્રી બળવંતભાઇ મણવરના અધ્યક્ષસ્થાને યોજાયો હતો આ પ્રસંગે શ્રી મણવર તથા ઇન્ડીયન મેડીકલ એશો. ઉપલેટાના પ્રમુખ ડો.ધવલ મહેતાએ ડો.ગોપીબેન દ્વારા નબળા વર્ગના દર્દીઓ માટે કરવામાં આવતી કામગીરીને બિરદાવી હતી આ પ્રવૃતિ આજે ૭૦ વર્ષની ઉમરે પણ ગોપીબેન દ્વારા ચાલુ છે તે તેમની નિષ્ઠા બતાવે છે.

દિપક ગાજરીયાએ ગોપીબેનની જીવન ઝરમર વર્ણવી હતી. આ પ્રસંગે ડો.સવજીયાળી ગીરીશભાઇ, ડો.સુરેશ પટેલ, ન.પા.પ્રમુખ રાણીબેન ચંદ્રવાડીયા, દાનભાઇ, જાડેજા, જગદીશભાઇ ગણાત્રા, કૃષ્ણકાંત ચોટાઇ, અશોકભાઇ માકડીયા, ગોપીબેનનો પરિવાર, ઇન્ડીયન મેડીકલ એશો. ઉપલેટાના ડોકટરો બહોળી સંખ્યામાં ઉપસ્થિત રહ્યા હતા.

(12:04 pm IST)
  • વાયુ વાવાઝોડાએ વિકરાળ ઝંઝાવાતનું રૂપ ધારણ કર્યું: ૮ થી ૧૪ ઇંચ જેવો અતિ ભારેથી મહા ભારે વરસાદ પડશેઃ ૧૩૦ કી.મી.ની ઝડપે વેરાવળ નજીકથી ત્રાટકશેઃ દરિયામાં ૭ ફુટ થી ઊંચા મોજા ઊછળશેઃ ૧૩ થી ૧૫ જૂન વચ્ચે વાયુ વાવાઝોડાની અસર હેઠળ આવનાર ૧૦ જિલ્લાઓની સ્કૂલમાં ગુજરાત સરકારે રજા જાહેર કરી access_time 11:52 am IST

  • પોરબંદરમાં નિચાણવાળા વિસ્તારો ખાલી કરાવાઈ રહ્યા છે : પોલીસ સહિત ટીમની કામગીરી ચાલુ access_time 12:41 pm IST

  • હવામાન ખાતાની તા. 11.6.19 થી તા. 14.6.19સુધી ની વાવાઝોડાની આગાહી મુજબની સૂચના મુજબ તા.12.06.19ના રોજ યોજાનાર ગંગા દશેરા ઉત્સવ નો કાર્યક્રમ સંપૂર્ણપણે રદ કરવામાં આવેલ છે, તેમ જનરલ મેનેજર - શ્રી સોમનાથ ટ્રસ્ટ દ્વારા જાણવા મળે છે. access_time 11:55 pm IST