Gujarati News

Gujarati News

News of Wednesday, 12th June 2019

ગોંડલમાં ધોરાજીના ટ્રક ડ્રાઇવરની હત્યાનું રહસ્ય અકબંધઃ પોલીસને કડી મળતી નથી

રાજકોટ તા. ૧રઃ ગોંડલમાં નવા માર્કેટયાર્ડ પાસે ધોરાજીના ટ્રક ડ્રાઇવરની પથ્થરોના ઘા મારી નિર્મમ હત્યા કરાયાની ઘટનામાં પોલીસને કોઇ કડી ન મળતા રહસ્યની આટાપાટા સર્જાયા છે.

પ્રાપ્ત વિગતો મુજબ ગોંડલના નવા માર્કેટ યાર્ડ સામે મૂળ લિયાદના અને હાલ ધોરાજી રહેતા ટ્રક ડ્રાઇવર સુરેશ સવજીભાઇ સુરેલા (ઉ.વ. ૪૦) ની પથ્થરોના ઘા મારી નિર્મમ રીતે હત્યા કરાયેલી હાલતમાં લાશ મળી આવતા શહેર પોલીસ ઇન્સ્પેકટર કે. એન. રામાનુજ, રાઇટર હરૂભા જાડેજા સહિતના પોલીસ કાફલાએ દોડી જઇ તપાસ હાથ ધરી હતી.

આ હત્યાના બનાવ અંગે પીઆઇ રામાનુજે જણાવ્યું હતું કે સુરેશ ગતરાત્રિના ગોંડલના રઘુવીર જીનીંગમાં કપાસ ભરેલો ટ્રક ખાલી કરવા માટે આવ્યો હતો બાદમાં યાર્ડ પાસે રોકાયો હતો હાલ તેના મૃતદેહને ફોરેન્સિક પીએમ માટે રાજકોટ ખસેડાયો છે સુરેશ પરણિત હતો. ગત રાત્રીના તેની સાથે કોઇ હતું કે નહીં તે અંગે સીસી ટીવી કુટેજો ચકાસાયા હતા જેમાં મૃતક સુરેશ કોળી એકલો જીનમાં ટ્રક લઇને આવેલ તે કોની સાથે હતો? તે અંગે તપાસ હાથ ધરાઇ છે.

(11:58 am IST)
  • ૧૦ જિલ્લાના કાંઠાળા વિસ્તારોમાં સ્થળાંતરની કામગીરી શરૃઃ પોરબંદર, જામનગર, દ્વારકા, વેરાવળ સહિત દરિયાકાંઠાના જિલ્લાઓમાં લોકોને સ્થળાંતર કરવાની કામગીરી શરૂ : આરોગ્યની ટીમ સતત ખડેપગે access_time 11:46 am IST

  • દ્વારકા-ભાવનગરઃ બેટ દ્વારકા અને ઓખા વચ્ચે ચાલતી ફેરી સર્વિસ બોટ તથા ભાવનગર-દહેજ વચ્ચે ચાલતી રો-રો ફેરા સર્વિસ વાવાઝોડાના પગલે બંધ કરી દેવાઇ access_time 11:45 am IST

  • હવામાન ખાતાની તા. 11.6.19 થી તા. 14.6.19સુધી ની વાવાઝોડાની આગાહી મુજબની સૂચના મુજબ તા.12.06.19ના રોજ યોજાનાર ગંગા દશેરા ઉત્સવ નો કાર્યક્રમ સંપૂર્ણપણે રદ કરવામાં આવેલ છે, તેમ જનરલ મેનેજર - શ્રી સોમનાથ ટ્રસ્ટ દ્વારા જાણવા મળે છે. access_time 11:55 pm IST