Gujarati News

Gujarati News

News of Wednesday, 12th May 2021

દ્વારકાના જગતમંદિરમાં ૧૪મી મે ના ઉજવાશે અક્ષય તૃતીયા ઉત્સવઃ વેબસાઈટ પર દર્શન: કોરોનાને લઈને પ્રતિબંધો હોવાથી પૂજારીઓ જ પરંપરા નિભાવશે

દ્વારકાધીશ મંદિરમાં અક્ષય તૃતીયાનો ઉત્સવ ઉજવવાની પરંપરા પૂજારી પરિવાર નિભાવશે જેના દર્શન વેબસાઈટ પર થશે

દ્વારકા : જગ વિખ્યાત જગત મંદિરમાં  ભગવાન શ્રી દ્વારકાધીશજીના મંદિરમાં અક્ષય તૃતીયા ના દર્શન સાથેનો ઉત્સવ લોકડાઉન જેવી સ્થિતિને લઈને મંદિર પરિસરમાં માત્ર પૂજારી પરિવારજનોની સેવા-પૂજા અને ઉત્સવ આરતી સાથે યોજાશે જો કે, હિન્દુ ધર્મમાં અક્ષય તૃતીયાના ઉત્સવ દર્શનનું વિશેષ મહત્ત્વ હોય જેથી દ્વારકાધીશ મંદિરની વેબ સાઈટ ઉપરથી ઉત્સવના દર્શનનો લાભ ભાવિકો લઈ શકશે.

તા. ૧૪ મેના શુક્રવારે દ્વારકાધીશજીના દર્શનના નિત્યક્રમ મુજબ સવારની મંગળા આરતી દર્શન થશે તે પછી સવારે ૧૦-૩૦ વાગ્યા થી ૧૨-૩૦ સુધી દર્શન બંધ રહેશે. ત્યારબાદ અક્ષર તૃતીયાની ઉત્સવ આરતીના દર્શન બપોરે ૧૨ વાગ્યાથી ૧-૩૦ વાગ્યા સુધી થશે.
સાંજના દર્શન ઉત્થાપન સાથે નિત્યક્રમ મુજબ થશે. હાલમાં કોવિડ-૧૯ ના નિયમોનું ચૂસ્ત પાલન દેવસ્થાન સમિતિ અને પૂજારી ગણ દ્વારા જાળવવામાં આવી રહ્યું છે. છતાં મનોરથ અને ધ્વજાજીના મનોરથ અને પૂજારી દ્વારા ભોગ સેવા વિગેરેનો નિત્યક્રમ રાબેતા મુજબ જળવાઈ રહ્યો છે.

(10:56 pm IST)
  • મળતા અહેવાલો મુજબ અમદાવાદ, ગુજરાતના ચેરિટી કમિશનરે એનજીઓ ‘વી ધ પીપલ ચેરીટેબલ ટ્રસ્ટ’ ના બેન્ક ખાતા ફ્રીઝ કરવાનો આદેશ આપ્યો છે. ધારાસભ્ય જીગ્નેશ મેવાણી આ NGO ના નામે ભંડોળ એકત્રિત કરી રહ્યા હતા, બાદ આ હુકમ થયો છે. એનજીઓને પણ કારણદર્શક નોટિસ ફટકારવામાં આવી છે. એક તપાસમાં જાણવા મળ્યું છે કે મેવાણી આ સંસ્થાના ટ્રસ્ટી નથી. ટ્રસ્ટ તરફથી જવાબ માંગવામાં આવ્યો છે કે શું મેવાણીને આવી કોઈ અપીલ કરવા માટે અધિકૃત કરવામાં આવ્યા હતા? પરંતુ રિપોર્ટ પ્રમાણે હજી સુધી NGO તરફથી કોઈ જવાબ મળ્યો નથી તેમ જાણવા મળે છે. access_time 12:18 am IST

  • કોરોનાથી રાજકોટ શહેરમાં આજે પણ થોડી રાહત અને ગ્રામ્ય વિસ્તારમાં આતંક આજે પણ યથાવત : આજે સાંજ સુધીમાં રાજકોટ શહેરમાં 286 અને ગ્રામ્યના 335 કેસ સાથે કુલ 621 નવા કોરોના ના કેસ નોંધાયા access_time 7:38 pm IST

  • કોરોના વાયરસના B.1.617 વેરિયન્ટને "ભારતીય સંસ્કરણ" કહેવાતા કેન્દ્રીય આરોગ્ય મંત્રાલયે બુધવારે કહ્યું હતું કે વિશ્વ આરોગ્ય સંગઠને (WHO) તેના દસ્તાવેજોમાં આ શબ્દ માટે ભારતીય શબ્દનો ઉપયોગ કર્યો નથી. મંત્રાલયે બી.1.617 વાયરસ વેરિયન્ટ માટે ભારતીય સંસ્કરણનો ઉપયોગ કરીને નિરાધાર અને પાયાવિહોણા મીડિયા અહેવાલોને નકારી કાઢ્યા છે, જેને માટે WHO એ તાજેતરમાં આ વેરિયન્ટને વૈશ્વિક ચિંતા કહી છે. access_time 9:53 pm IST