Gujarati News

Gujarati News

News of Wednesday, 12th May 2021

ધારાસભ્ય બ્રિજેશ મેરજાએ માળિયા તાલુકાના વધુ ચાર ગામોની મુલાકાત લીધી

ગામડાઓનો પ્રવાસ કરીને સ્થાનિક પ્રશ્નોથી વાકેફ થઇ તેના ઉકેલ માટે જીવંત લોકસંપર્ક

મોરબી માળિયાના ધારાસભ્ય બ્રિજેશ મેરજા ગામડાઓનો પ્રવાસ કરીને સ્થાનિક પ્રશ્નોથી વાકેફ થઇ તેના ઉકેલ માટે જીવંત લોકસંપર્ક જાળવી રહ્યા છે જે અંતર્ગત માળિયા તાલુકાના વીરવિદરકા, ફતેપર, પંચવટી (ખીરઈ) અને હરીપર ગામોની મુલાકાત લીધી હતી
ફતેપર ગામમાં ચોમાસામાં મચ્છુ નદીના પુરને લીધે વિદરકાના કાંઠાની જમીનને થતી નુકશાની અંગે, નર્મદા કેનાલની મરામત અને વિદરકાના રસ્તા બાબતે રજૂઆત કરી હતી ફતેપર ગામે ચોમાસામાં મચ્છુ નદીના વધુ પાણી છોડવાથી પાકને થતું નુકશાન અટકાવવા માંગ કરી હતી ખીરઈ ગામે સ્થાનિક પ્રશ્નો અંગે ગામના આગેવાને ધ્યાન દોર્યું હતું તેમજ હરીપર ગામે મચ્છુ નદીના નીરને રોકવા, પાળો બાંધવા આગ્રહ રાખ્યો હતો
જે પ્રશ્નો અંગે ધારાસભ્યે વખતો વખત પુરને કારણે કાંઠાના ગામોને પડતી મુશ્કેલીઓ અંગે વહીવટી તંત્રનું ધ્યાન દોર્યું છે ઉપરાંત નર્મદા મેઈન લાઈનમાંથી કનેક્શન આપવા જરૂરી સૂચનાઓ આપશે તેમજ સ્ટેટ હાઈવે વાધરવાથી પંચવટીને જોડતો નોન પ્લાન રસ્તો મંજુર કરવા ધારાસભ્ય તરીકે કરેલ દરખાસ્ત અંગે માહિતી આપી હતી

(10:24 pm IST)
  • મળતા અહેવાલો મુજબ અમદાવાદ, ગુજરાતના ચેરિટી કમિશનરે એનજીઓ ‘વી ધ પીપલ ચેરીટેબલ ટ્રસ્ટ’ ના બેન્ક ખાતા ફ્રીઝ કરવાનો આદેશ આપ્યો છે. ધારાસભ્ય જીગ્નેશ મેવાણી આ NGO ના નામે ભંડોળ એકત્રિત કરી રહ્યા હતા, બાદ આ હુકમ થયો છે. એનજીઓને પણ કારણદર્શક નોટિસ ફટકારવામાં આવી છે. એક તપાસમાં જાણવા મળ્યું છે કે મેવાણી આ સંસ્થાના ટ્રસ્ટી નથી. ટ્રસ્ટ તરફથી જવાબ માંગવામાં આવ્યો છે કે શું મેવાણીને આવી કોઈ અપીલ કરવા માટે અધિકૃત કરવામાં આવ્યા હતા? પરંતુ રિપોર્ટ પ્રમાણે હજી સુધી NGO તરફથી કોઈ જવાબ મળ્યો નથી તેમ જાણવા મળે છે. access_time 12:18 am IST

  • પોરબંદરમાં આજે 21 મૃતદેહને અગ્‍નીસંસ્‍કાર કરાયો હતો જેમાં 4 કોરોનાનો પોઝીટીવ હોવાનું જાણવા મળે છે access_time 9:43 pm IST

  • કેન્દ્ર સરકારને આડે હાથે લેતા, કોરોના રસીકરણ અંગે બોમ્બે હાઈકોર્ટે બુધવારે કહ્યું હતું કે, જો કેન્દ્ર સરકારે કેટલાક મહિના પહેલા વરિષ્ઠ નાગરિકો માટે ડોર-ટુ-ડોર રસીકરણ શરૂ કર્યું હોત, તો ઘણા જાણીતા વ્યક્તિઓ સહિત અનેક લોકોનો જીવ બચાવી શકાયો હતો. મુખ્ય ન્યાયાધીશ દિપાંકર દત્તા અને ન્યાયાધીશ જી.એસ. કુલકર્ણીની ખંડપીઠે કેન્દ્રને કહ્યું હતું કે, જ્યારે રસીકરણ કેન્દ્રોની મુલાકાત લેવામાં અસમર્થ વરિષ્ઠ નાગરિકોના જીવનનો પ્રશ્ન છે, ત્યારે ડોર-ટુ-ડોર રસીકરણ કાર્યક્રમ કેમ શરૂ કરાયો નથી? access_time 9:42 pm IST