Gujarati News

Gujarati News

News of Wednesday, 12th May 2021

જામનગરમાં રોજિંદા પોઝિટિવ કેસ સતત ઘટતા જઇ રહ્યા છે : મંગળવાર પણ મંગલ રહ્યો

(મુકુંદ બદિયાણી દ્વારા) જામનગર તા. ૧૨ : જામનગરમાં સ્વસ્થ દર્દીઓની સંખ્યામાં કાલે પણ વધારો થયો છે. ગઈકાલે ૬૦૮ દર્દી સ્વસ્થ થયા અને પોઝિટિવ કેસોની સંખ્યા ઘટીને ૫૧૬ નોંધાઇ છે.  મંગળવારે સતત બીજા દિવસે નવા પોઝિટિવ કેસ ઘટતા શહેરીજનોને રાહતનો અનુભવ થઈ રહ્યો છે. જો કે તેની સામે જિલ્લામાં ટેસ્ટની સંખ્યા પણ ઘટી છે.

જામનગર શહેર- જિલ્લામાં આજે ઘણાં દિવસો પછી ૨૪ કલાકમાં પોઝિટિવ કેસ નો આંકડો સતત ત્રીજા દિવસે ૬૦૦ ની અંદર રહ્યો છે. કાલે મંગળવારે શહેરમાં ૩૦૮ અને ગ્રામ્યમાં ૨૦૮ મળી જિલ્લાનો કુલ આંકડો ૫૧૬ જાહેર થયો છે. શહેરમાં ૩૧૯ દર્દીઓ અને ગ્રામ્યમાં ૨૮૯ દર્દીઓ સ્વસ્થ થયાં છે. કાલે શહેરમાં ૫ મોત અને ગ્રામ્યમાં ૨ મોતની સતાવાર જાહેરાત કરવામાં આવી છે.

(12:58 pm IST)
  • ફાર્મ હાઉસમાં દારૂની મહેફીલ ચાલતી હતી, ૯ નબીરા સહિત ૪ કોલગર્લ ઝડપાઇ : કોરોના કાળમાં આણંદમાં એક ખાનગી ફાર્મ હાઉસમાં મોડીરાતે દારૂની મહેફીલ માણતા ૯ નબીરા ઝડપાયા હોવાનું ટીવી અહેવાલો જણાવે છે. આ દરોડામાં ૪ કોલગર્લ પણ ઝડપાઇ હતી. access_time 3:00 pm IST

  • મહારાષ્ટ્ર - દિલ્હીમાં રસીની અછતઃ સેન્ટરોને લાગ્યા તાળા : મહારાષ્ટ્રબાદ હવે દિલ્હીએ પણ ભારત બાયોટેકની બનાવેલી 'કોવેકસીન'ની અછતનો દાવો કર્યો છે દિલ્હીના ઉપપ્રમુખ મંત્રી મનીષ સીસોદીયાએ કહયું કે પાટનગરમાં કોવેકસીનનો સ્ટોક પૂર્ણ થઇ ગયો છે. તેથી સેન્ટરને બંધ કરવા પડયા છે. તેઓએ કહયું કે ભારત બાયોટેકે જવાબ આપ્યો છે કે કેન્દ્રના આદેશોથી વિરૂધ્ધ જઇને વેકસીન ઉપલબ્ધ કરાવી શકાય નહી જો કે ભારત બાયોટેકે તે રાજયોની યાદી જાહેર કરી હતી. જેને તેઓએ કેન્દ્રના હસ્તક્ષેપ વગર સીધા વેકસીન સપ્લાય કરી રહ્યું છે. તેમાં દિલ્હીનું નામ પણ સામેલ છે. access_time 3:45 pm IST

  • કોરોના વાયરસના B.1.617 વેરિયન્ટને "ભારતીય સંસ્કરણ" કહેવાતા કેન્દ્રીય આરોગ્ય મંત્રાલયે બુધવારે કહ્યું હતું કે વિશ્વ આરોગ્ય સંગઠને (WHO) તેના દસ્તાવેજોમાં આ શબ્દ માટે ભારતીય શબ્દનો ઉપયોગ કર્યો નથી. મંત્રાલયે બી.1.617 વાયરસ વેરિયન્ટ માટે ભારતીય સંસ્કરણનો ઉપયોગ કરીને નિરાધાર અને પાયાવિહોણા મીડિયા અહેવાલોને નકારી કાઢ્યા છે, જેને માટે WHO એ તાજેતરમાં આ વેરિયન્ટને વૈશ્વિક ચિંતા કહી છે. access_time 9:53 pm IST