Gujarati News

Gujarati News

News of Wednesday, 12th May 2021

મોરબીમાં પત્નિના પ્રેમીને પતિએ ધારિયાના ઘા ઝીંકીને પતાવી દીધો

નસીમ મકરાણીને અવાર-નવાર મળવા આવતા વિજય કોટકને ઇકબાલ મકરાણીએ મોતને ઘાટ ઉતાર્યો

(પ્રવિણ વ્યાસ દ્વારા) મોરબી તા. ૧૨ : રાજકોટના રહેવાસી ઇકબાલ મકરાણીના પત્નીને મોરબીના પુરૂષ સાથે પ્રેમસંબંધ હોય જેનો ખાર રાખી આરોપી પતિએ પ્રેમીને ધારિયાના ઘા ઝીંકી જીવલેણ ઈજા કરી તેમજ પત્નીને ધારીયાના ઘા ઝીકી ઈજા કર્યાની પોલીસ ફરિયાદ નોંધાઈ હતી તો પ્રેમીને રાજકોટ સારવારમાં ખસેડવામાં આવ્યો હોય જયાં તેનું મૃત્યુ નીપજયુ હતું જેથી બનાવ હત્યામાં પલટાયો હતો.

મોરબીના ગુજરાત હાઉસિંગ બોર્ડ શનાળા રોડના રહેવાસી વિજય કાંતિલાલ કોટકે ઇજાગ્રસ્ત હાલતમાં પોલીસ ફરિયાદમાં જણાવ્યું હતું કે તેને આરોપી ઇકબાલ મકરાણી રહે. રાજકોટ વાળાની પત્ની નસીમ સાથે પ્રેમસંબંધ હોય અને નસીમબેન અવરનવર તેના ઘરે આવતી હોય જેની આરોપી ઇકબાલ મકરાણીને જાણ થતા સારૃં નહિ લાગતા તે બાબતનો ખાર રાખીને ગત તા.૪ ના રોજ લોખંડ ધારિયા સાથે વિજય કોટકના મકાને આવીને ગાળો આપી જાનથી મારી નાખવાની ધમકી આપી તેમજ મારી નાખવાના ઈરાદે પેટના ભાગે ધારિયાનો ઘા મારી ઈજા કરી હતી તો નસીમબેન વચ્ચે પડતા તેને પણ ધારિયાના ઘા મારી ઈજા થઇ હોય અને ઈજાગ્રસ્ત વિજય કોટકને સારવાર માટે પ્રથમ મોરબી બાદ રાજકોટ ખસેડવામાં આવ્યો હતો

જયાં તેનું મૃત્યુ નીપજયું હતું. જેથી બનાવ હત્યામાં પલટાયો હતો. બનાવ અંગે મોરબી એ ડીવીઝન પોલીસે હત્યાની કલમનો ઉમેરો કરી વધુ તપાસ હાથ ધરી છે.

(10:58 am IST)
  • કેટલાક રાજ્યો દ્વારા કોવિડ -19 રસીની અછતનાં અહેવાલો વચ્ચે સીરમ ઇન્સ્ટિટ્યૂટ અને ભારત બાયોટેકે આગામી ચાર મહિના માટે તેમની પ્રોડક્શન યોજના કેન્દ્રમાં સુપરત કરી છે. સત્તાવાર સૂત્રોએ બુધવારે જણાવ્યું હતું કે બન્ને કંપનીઓએ માહિતી આપી છે કે અનુક્રમે સીરમ ઇન્સ્ટિટ્યૂટ 10 કરોડ અને ભારત બાયોટેક 7.8 કરોડ રસીના ડોઝનું તેમનું ઉત્પાદન ઓગસ્ટ સુધીમાં વધારી દેશે. access_time 10:00 pm IST

  • મંગળવારે બપોરે પશ્ચિમ બંગાળના જુદા જુદા ભાગોમાં તોફાન અને ભારે વરસાદને કારણે આઠ લોકોનાં મોત નીપજ્યાં હતાં. અધિકારીઓએ આ માહિતી આપી. હવામાન ખાતાના એક અધિકારીએ જણાવ્યું હતું કે વીજળી પડવાથી અને કલાકે 50 કિલોમીટરની ઝડપે થયેલ ધૂળના તોફાનને કારણે કોલકાતા, ઉત્તર 24 પરગણા, નાદિયા, મુર્શીદાબાદ, બાંકુરા, પૂર્વી બર્ધમાન, પશ્ચિમ મેદનીપુર, બીરભૂમ અને પુરૂલિયા જિલ્લામાં ભારે નુકસાન થયું છે. access_time 11:57 pm IST

  • કેન્દ્ર સરકારને આડે હાથે લેતા, કોરોના રસીકરણ અંગે બોમ્બે હાઈકોર્ટે બુધવારે કહ્યું હતું કે, જો કેન્દ્ર સરકારે કેટલાક મહિના પહેલા વરિષ્ઠ નાગરિકો માટે ડોર-ટુ-ડોર રસીકરણ શરૂ કર્યું હોત, તો ઘણા જાણીતા વ્યક્તિઓ સહિત અનેક લોકોનો જીવ બચાવી શકાયો હતો. મુખ્ય ન્યાયાધીશ દિપાંકર દત્તા અને ન્યાયાધીશ જી.એસ. કુલકર્ણીની ખંડપીઠે કેન્દ્રને કહ્યું હતું કે, જ્યારે રસીકરણ કેન્દ્રોની મુલાકાત લેવામાં અસમર્થ વરિષ્ઠ નાગરિકોના જીવનનો પ્રશ્ન છે, ત્યારે ડોર-ટુ-ડોર રસીકરણ કાર્યક્રમ કેમ શરૂ કરાયો નથી? access_time 9:42 pm IST