Gujarati News

Gujarati News

News of Monday, 12th April 2021

કોરોના મહામારી વચ્ચે તાલુકા પંચાયતના બે સદસ્ય, નિવૃત પોલીસકર્મી અને પાણી પુરવઠા બોર્ડના અધિકારીનું નિધન

મોરબી તાલુકા પંચાયતના પૂર્વ પ્રમુખ નાથાભાઇ ડાભી, હળવદ તાલુકા પંચાયતના રણછોડગઢના ભાજપના મહિલા સદસ્યએ સારવારમાં દમ તોડ્યો

મોરબી : મોરબીમાં કોરોનાના હાહાકાર વચ્ચે મોરબી તાલુકા પંચાયતના પૂર્વ પ્રમુખ, મોરબીના નિવૃત પોલીસ કર્મચારી, હળવદ તાલુકા પંચાયતના રણછોડગઢ બેઠકના ભાજપના મહિલા સદસ્ય અને મોરબી પાણી પુરવઠા કચેરીના ઇજનેરનું કોરોના મહામારી વચ્ચે નિધન થતા તમામના પરિવારજનો અને સ્નેહીજનોમાં શોકનું મોજું ફરી વળ્યું છે.

 મોરબી તાલુકા પંચાયતના પૂર્વ પ્રમુખ અને કોંગી અગ્રણી નાથાભાઇ ડાભીનું કોરોના મહામારી વચ્ચે સારવાર દરમિયાન મોત નીપજ્યું હતું. એ જ મોરબીના નિવૃત્ત પોલીસ કર્મચારી મહિપતસિંહ છનુભા જાડેજા કોરોના પોઝિટિવ આવ્યા બાદ જામનગર સારવારમાં જામનગર ખસેડાયા હતા જ્યાં સારવાર દરમિયાન મૃત્યુ નીપજ્યું હતું.

  આ ઉપરાંત હળવદ તાલુકાના રણછોડગઢ ગામે રહેતા અને તાજેતરમાં જ રણછોડગઢ તાલુકા પંચાયતની સીટ પર ભાજપ તરફથી ચૂંટણી લડી વિજેતા બનેલા નેહાબેન સિહોરા કોરોનાથી સંક્રમિત થતા તેઓને સારવાર માટે જામનગર ખસેડવામાં આવ્યા હતા જ્યાં સારવાર દરમિયાન આજે તેમનું મોત નિપજ્યું હોવાનું જાણવા મળ્યું છે નેહાબેનના મૃત્યુના સમાચારને પગલે રણછોડગઢ ગામમાં શોકનો માહોલ છવાઇ ગયો છે.

દરમિયાન મોરબી પાણી પુરવઠા બોર્ડ કચેરીમાં કાર્ય પાલક ઈજનેર તરીકે ફરજ બજાવતા પી.એ.સોલંકીનું પણ કોરોના સારવાર દરમિયાન મૃત્યુ નીપજ્યું હોવાનું જાણવા મળ્યું છે.

(8:48 pm IST)
  • રેડીઝ લેબમાં બની રહેલ સ્પુતનિક-ફાઇવ દસ દિ'માં બજારમાં મળતી થઇ જશે ? ઓકટોબર સુધીમાં બીજી ૪ વેકસીનને મંજુરી અપાશે : અત્યારે હાલમાં કોવિશીલ્ડ અને કોવેકિસન બે રસી ઉપલબ્ધ છે : ડો. રેડીના સહયોગ થી રશીયાની સ્પુતનીક પછી, બાયોલોજીકલ ઇના સહયોગથી જહોનસન એન્ડ જહોનસનની રસી, સીરમ ઇન્સ્ટીટ્યુટની નોવા વૈકસ, ઝાયડસ કેડીલાની રસી જેની લાંબા સમયથી રાહ જોવાઇ રહી છે, તથા ભારત બાયોટેકની ઇન્ટ્રાનેજલ વેકસીનનો સમાવેશ થાય છે ઓકટોબર સુધીમાં આ બધી વેકસીનને ઇમર્જન્સી ઉપયોગ માટે મંજૂરી આપવા સાથે મળતી થઇ જશે જ્યારે કોરોનાની ત્રીજી લહેર આવવાનો સંભવ હોવાનું મનાય છે. access_time 4:07 pm IST

  • મહારાષ્‍ટ્રમાં ધો.૧૦ અને ૧૨ બોર્ડની પરીક્ષા મુલત્‍વી રહી : વિદ્યાર્થીઓનું આરોગ્‍ય એ જ અમારી પ્રાથમિકતા : મહારાષ્‍ટ્ર સ્‍ટેટ બોર્ડની ધો.૧૦ અને ૧૨ની પરીક્ષાઓ કોવિડ મહામારીના પ્રકોપને લઈને ઉદ્ધવ ઠાકરે સરકારે મુલત્‍વી રાખી : કહ્યુ કે તમારૂ આરોગ્‍ય એ જ અમારી સર્વોચ્‍ચ પ્રાથમિકતા access_time 5:04 pm IST

  • મહારાષ્ટ્રમાં ધો.૧૦ અને ૧૨ બોર્ડની પરીક્ષા મુલત્વી રહી : વિદ્યાર્થીઓનું આરોગ્ય ઍ જ અમારી પ્રાથમિકતા : મહારાષ્ટ્ર સ્ટેટ બોર્ડની ધો.૧૦ અને ૧૨ની પરીક્ષાઓ કોવિડ મહામારીના પ્રકોપને લઈને ઉદ્ધવ ઠાકરે સરકારે મુલત્વી રાખી : કહ્ના કે તમારૂ આરોગ્ય ઍ જ અમારી સર્વોચ્ચ પ્રાથમિકતા access_time 3:10 pm IST