Gujarati News

Gujarati News

News of Tuesday, 12th February 2019

કલ્યાણપુરમાં જાનમાં ફાયરીંગઃ મહિલાનું મોત

દાંડીયારાસ વખતે અરજણ ડાંગરે ભડાકો કરતા જાન જોવા આવેલ મહિલાનો ભોગ લેવાયો

 ખંભાળીયા, તા. ૧ર : ભાણવડના કલ્યાણપુરમાં લગ્નની જાન પરણીને આવ્યા બાદ જાન જોવા ગયા હતા. ત્યારે ફાયરીંગ થતાં એક મહિલાનું મોત થયું હતું.

પ્રાપ્ત માહિતી મુજબ ભાણવડના કલ્યાણપુર ગામે રહેતા ભૂપતભાઈ ગોજીયાના દિકરાની જાન પરણીને ગામમાં પરત આવી હતી ત્યારે ફરીયાદી રાણાભાઈ પરમાર તેમના પત્નિ પુંજીબેન ઉ.વ.૫૬વાળા આ જાનને જોવા ઉભા હતા ત્યારે જાનૈયા દાંડીયા રાસ રમતા હતા.

ત્યારે આરોપી અરજણ પાલાભાઈ ડાંગર ઉત્સાહમાં આવી જોટો બંદુકમાંથી હવામાં ભડાકો કરતા તેનો કારટીસ અકસ્માતે પુંજીબેનને લાગી જતા ગંભીર ઈજાઓ થતા મરણ ગયેલ. આ સમગ્ર મામલે મરણ જનારના પતિ રાણાભાઈ પરમારે આરોપી અરજણભાઈ પાલાભાઈ ડાંગર વિરૂદ્ધ ભાણવડ પોલીસમા ફરીયાદ નોંધાવતા આગળની તપાસ હાથ ધરી છે.

આ બનાવથી ગામજનોમાં ભારે શોકની લાગણી ફેલાઈ ગઈ હતી.  જો કે આજકાલ પ્રસંગોમાં એક શોખ અથવા ફેશન થઈ ગઈ હોય તેમ કેટલાક પ્રસંગોમાં હવામાં ભડાકા કરવામાં આવી રહ્યા છે.

અકસ્માત

ખંભાળીયા જામનગર રોડ પર પ કિ.મી. દૂર કંચનપુર ગામના પાટીયા પાસે મો.સા. ઉપર જઇ રહેલ ગુલાબભાઇ રાયચુરાને એક સ્વીફટ કાર નં.જીજે૧૦બીજી-૮૧૧૧ના ચાલકે પોતાની ગફલતભરી રીતે ચલાવી ઉપરોકત મો.સા.ને હડફેટે લેતા મો.સા. સવાર ગુલાબભાઇ રાયચુરાને માથામાં હેમરેજ તથા પગમાં ત્રણ ફ્રેકચર સહિતની ઇજા કરી સ્વીફટ કાર ચાલક પોતાની ગાડી લઇ નાશી જતા આ બનાવ અંગે કાર ચાલક વિરૂદ્ધ ખંભાળીયા પોલીસમાં ઇજા પામનારના પુત્ર ભવદીપ રાયચુરાએ ફરીયાદ નોંધાવાતા પોલીસે આગળની તપાસ હાથ ધરી છે.(૮.૧૩)

 

(1:38 pm IST)
  • અમદાવાદ: રૂપિયા 260 કરોડ ઓનલાઇન છેતરપીંડીનો મામલો :CIDએ વધુ એક ગુનામાં ભાર્ગવી શાહને તપાસ માટે મિર્ઝાપૂર કોર્ટેમાં ટ્રાન્સફર વોરંટથી અટકાયતની કરી માગ : કોર્ટે ભાર્ગવી શાહની અટકાયત માટેનો આદેશો આપ્યો access_time 12:23 am IST

  • અંજારમાં ગુજરાત પોલીસે કર્યું દિલધડક ઓપરેશન: ATM વાનના કર્મચારીઓ ઉપર ફાયરીંગ કરી રૂ. 34 લાખની લૂંટ કરનાર હરિયાણાની ગેંગના બે સાગરિતોની કરી ધરપકડ : લૂંટારાઓ દ્વારા ફાયરીંગ કરવા છતાં પોલીસે જીવના જોખમે પાંચ કિલોમીટર સુધી પીછો કરી ઝડપી પાડયા access_time 1:12 am IST

  • રાજકોટ : ખૂબ વિવાદિત થયેલ સંવિધાન બચાવો ની કાલે રાજકોટમાં યોજાનારી રેલી અંગે સભાને આખરે પોલીસ તંત્રની મંજૂરી. શાસ્ત્રી મેદાન ખાતે યોજાશે સભા. સભા સ્થળ અંગે બે દિવસથી ચાલતી હતી ખેંચતાણ. અંતે શાસ્ત્રી મેદાન આપવા માટે તંત્ર તૈયાર. જડબેસલાક સુરક્ષા વ્યવસ્થા ગોઠવાશે. access_time 10:51 pm IST