Gujarati News

રાજકોટ તા.૧૧: રાજકોટ સહિત સૌરાષ્ટ્ર-કચ્છમાં ઠંડીમાં વધઘટ સાથે ગિરનાર પર્વત ઉપર ૪.પ ડિગ્રી કડકડતી ઠંડી પડતા લોકો ઠુંઠવાઇ રહયા છે.

જો કે મોડી રાત્રીનાં અને વહેલી સવારના સમયે ઠંડીની વધુ અસર બાદ લઘુતમ તાપમાનનો પારો ઉંચે ચડી જાય છે.

જુનાગઢ

 જૂનાગઢઃ ૪.પ ડિગ્રી કાતિલ ઠંડીથી આજે ગિરનાર પર્વત ટાઢોબોળ થઇ ગયો હતો. જૂનાગઢમાં ૯.પ ડિગ્રી ઠંડીથી લોકો ઠુંઠવાઇ ગયા હતાં.

ગત સપ્તાહથી ઠંડી બોકાસો બોલાવી રહી છે આજે પણ સોરઠનાં લોકોને ઠંડીથી રાહત મળી નથી. જૂનાગઢ ખાતે સવારનાં લઘુતમ તાપમાન ૯.પ ડિગ્રી નોંધાયું હતું જયારે ગિરનાર પર્વત ઉપર ૪.પ ડિગ્રી તાપમાન રહયું હતું આમ કાતિલ ઠંડીને લઇને જનજીવનને ભારે અસર થઇ છે.

સવારે હવામાનમાં ભેજનું પ્રમાણ પંચાવન ટકા રહ્યું હતું અને પવનની ગતિ કલાકની ઝડપ ૩.પ કિ.મી. નોંધાઇ હતી.

જામનગર

 જામનગરઃ શહેરનું હવામાનઃ મહતમ : ૨૬.પ, લઘુતમઃ ૧૨.પ, ભેજ : પર ટકા, પવન : ૭.૧ કિ.મી. પ્રતિ કલાક રહી હતી.(૧.૬)