Gujarati News

Gujarati News

News of Saturday, 12th January 2019

મોરબીમાં બીમારીથી કંટાળી જીવરાજભાઇ ફૂલતરીયાનો ટ્રેન હેઠળ ઝંપલાવી આપઘાત

પટેલ વૃદ્ધે વાંકાનેરની ટિકીટ પણ લીધી હતી : સ્યુસાઇડ નોટ લખી પગલુ ભર્યું

મોરબી, તા. ૧ર : મોરબી પંથકમાં આપઘાતના બનાવો સતત વધી રહ્યા છે. જેમાં આજે મોરબીના રેલ્વે સ્ટેશનમાં ડેમુ ટ્રેન ચાલુ થતા જ વૃદ્ધે ટ્રેન હેઠળ પડતું મૂકી આયખું ટૂંકાવ્યું હતું તેમજ સુસાઇડ નોટ પણ મળી આવી છે જે કબ્જે લઇ પોલીસે વધુ તપાસ ચલાવી છે.

મળતી વિગત મુજબ મોરબી-વાંકાનેર ડેમુ ટ્રેન હેઠળ પડતું મૂકી આજે એક વૃદ્ધે આપઘાત કર્યો હતો અને બનાવ બાદ રેલ્વે પોલીસે આપઘાતની તપાસ ચલાવી હતી, જેમાં મૃતક જીવરાજભાઇ વશરામભાઇ ફૂલતરીયા (ઉ.વ.૮ર) (રહે. ચિત્રકૂટ સોસાયટી, શેરી નં. ૪, મોબરી) હોવાનું ખૂલ્યું હતું. મૃતક પટેલ વૃદ્ધ પાસેથી સુસાઇડ નોટ મળી આવી છે. જેમાં તે બીમારીથી કંટાળી આપઘાત કરતા હોય અને તેના દીકરાનો કોઇ વાંક ના હોય તેમજ દીકરાના નામ અને નંબર પણ સુસાઇડ નોટમાં મળ્યા હતાં તો આપઘાત કરનાર વૃદ્ધે વાંકાનેરની ટિકીટ પણ લીધી હતી જોકે ડેમુ ટ્રેન ચાલુ થતા જ ટ્રેન હેઠળ પડતું મૂકી રેલ્વે સ્ટેશનમાં જ આપઘાત કરી લીધો હોવાનું જાણવા મળ્યું છે.

(3:39 pm IST)
  • બેન્કરમાંથી નેતા બનેલી મીરા સાન્યાલનું નિધન :2014માં લોકસભા ચૂંટણી લડી હતી :આપ નેતા અને દિલ્હીના ઉપ મુખ્યમંત્રી મનીષ સિસોદિયાએ એક ટ્વીટ કરીને તેણીના નિધનની પુષ્ટિ કરી અને કહ્યું કે દેશે એક તીક્ષ્ણ આર્થિક પ્રતિભા અને ઉદાર આત્મા ગુમાવ્યો છે access_time 1:10 am IST

  • અમદાવાદ : કોંગ્રેસ દ્વારા વી.એસ. બચાવો અભિયાન :વી.એસ. હોસ્પિટલના ખાનગીકરણનો કોંગ્રેસ દ્વારા વિરોધ :પ્રદેશ પ્રમુખ અમિત ચાવડાની આગેવાનીમાં કોચરબ આશ્રમથી વી.એસ. સુધી પદયાત્રા યોજશે access_time 10:47 pm IST

  • સપા -બસપા ગઠબંધન મજબૂત :એનડીએએ પોતાને સુદઢ બનાવવું પડશે ;ચિરાગ પાસવાને કહ્યું કે ઉત્તર પ્રદેશમાં બંને પક્ષોએ લાંબા સમય સુધી શાસન કર્યું ત્યાં લોકોને બેરોજગારી અને અપરાધને પગલે અન્ય જગ્યાએ જવા મજબુર થવું પડ્યું access_time 12:47 am IST