Gujarati News

રાજકોટ તા.૧૨: ગોંડલ પાસે ગુંદાળા ચોકડી પાસે રૂરલ એલસીબીની ટીમે બાતમીના આધારે દરોડો પાડો બોલેરો જીપમાંથી રૂ. ૩.૮૧ લાખના દારૂના જથ્થા સાથે ગોંડલના શખ્સને પકડી લીધો છે. જયારે બોલેરો ચાલક અને દારૂનો જથ્થો મોકલનારની શોધખોળ આદરી છે.

મળતી વિગતો મુજબ રૂરલ એસપી બલરામ મીણાની સુચનાથી એલસીબીનો સ્ટાફ પેટ્રોલીંગમાં હતો તે દરમ્યાન બાતમીના આધારે ગોંડલ ગુંદાળા ચોકડીથી બસ સ્ટેશન તરફથી એક જી.જે. ૪ એટી ૫૪૫૭ નંબરની બોલેરોને શંકાના આધારે રોકી તલાસી લેતા તેમાંથી દારુનો જથ્થો મળી આવતા પોલીસે રૂ. ૩,૮૧,૦૦૦ની કિંમતની દારૂની ૧૧૨૬ બોટલો સાથે એક મોબાઇલ તથા બોલેરો જીપ મળી કુલ રૂ. ૬,૮૫,૨૦૦ના મુદ્દામાલ સાથે ગોંડલના વાછરા રોડ પર હરભોલે સોસાયટી પાસે રહેતો અરૂણ નંદલાલભાઇ પરમાર (ઉ.વ.૩૫) ને પકડી લીધો હતો. જયારે બોલેરો ચાલક નાસી જતા તેની શોધખોળ આદરી છે. પોલીસે અરૂણની પુછપરછ કરતા કિર્તિરાજસિંહ નામના શખ્સો દારૂનો જથ્થો મોકલ્યો હોવાની કેફીયત આપતા ગોંડલ સીટી પોલીસ મથકના પીએસઆઇ બી.એલ. ઝાલાએ તપાસ આદરી છે.