Gujarati News

Gujarati News

News of Saturday, 12th January 2019

ખંભાળિયા રેલ્વે સ્ટેશન વિસ્તારમાં ૩૩.૮૨ લાખના ખર્ચે સિમેન્ટ રોડ બનશે : ખાતમુહુર્ત થયુ

કારોબારી ચેરમેન દિપેશ ગોકાણીના હસ્તે કામનો પ્રારંભ

ખંભાળિયા તા.૧૨ : ન.પા. દ્વારા વોર્ડ નં.૩માં આવેલ રેલ્વે સ્ટેશન વિસ્તારમાં નરસી ભુવન પાછળ તિરૂપતી સોસા.થી ગોજીયા એન્જી. સુધી સી.સી.રોડ બનાવવાનુ કામ (અંદાજી એસ્ટીમેઇટ રૂ.૧૯.૬૧ લાખ) તથા શિવહરી એપા.થી સાવન ફર્નીચર સુધી સીસીરોડ બનાવવાનુ કામ (અંદાજીત એસ્ટીમેઇટ રૂ.૧૪.૨૧) એમ કુલ બે કામો કે જેની અંદાજીત કિંમત રૂ.૩૩.૮૨ જેવી થવા પામે છે. આ બંને કામોનુ ખાતમુર્હુત તાજેતરમાં ખંભાળિયા ન.પા.ના વોર્ડનં.૩ના સદસ્યશ્રી અને કારોબારી ચેરમેન દિપેશભાઇ પી.ગોકાણીના હસ્તે યોજાયુ હતુ.

આ વિસ્તારના લોકોની ઘણા લાંબા સમયથી આ વિસ્તારમાં રોડ બનાવવાની માંગણી હતી જે માટે ન.પા.ના ચેરમેન દિપેશભાઇ પી.ગોકાણીના સઘન પ્રયત્નોથી સરકારશ્રીની સ્વર્ણિમ જયંતિ મુખ્યમંત્રી શહેરી વિકાસ યોજનાના યુડીપી ઘટક હેઠળ ઉકત બંને રોડનુ કામ મંજુર થયેલ.

આ બંને રોડના ખાતમુહુર્તમાં ન.પા.ના પ્રમુખ શ્વેતાબેન એ.શુકલ, ઉપપ્રમુખ પી.એમ.ગઢવી, કારોબારી ચેરમેન દિપેશભાઇ પી.ગોકાણી, વોર્ડ નં.૩ના સદસ્યશ્રીઓ ભાવનાબેન જે.પરમાર, કીરીટભાઇ આર.ખેતીયા, હંસાબા બી. જાડેજા તથા ઇશાભાઇ હાજીભાઇ ઘાવડા તેમજ ન.પાના અન્ય સદસ્યો તેમજ ભરતભાઇ ચાવડા, અમીતભાઇ શુકલ, અશોકભાઇ કાનાણી, ભીખુભાઇ જેઠવા, માનભા જાડેજા, રાજીવભાઇ ભુંડીયા, સંજયભાઇ ચુડાસમા તથા અન્ય ભાજપ આગેવાનો ન.પા.ના વોટર વર્કસ ઇજનેર મુકેશ એલ.જાની તેમજ આ વિસ્તારના લોકો બહોળી સંખ્યામાં ઉપસ્થિત રહેલ હતા.(૪૫.૩)

(12:11 pm IST)
  • છોટાઉદેપુર : મધ્યપ્રદેશમાં કથિત આંતર રાજય બાળ તસ્કરીનો કેસ :પોલીસે વધુ એક બાળક ઉગારી પાલક પિતાની ધરપકડ કરી :આરોપી શૈલુ રાઠોડે રૂ.૧ લાખમાં વેચ્યું હતું ચાર માસનું બાળક :રિકવર કરેલા કુલ બાળકોની સંખ્યા ૧૪ પર પહોંચી :બાળ તસ્કરી કેસમાં આરોપીઓની સંખ્યા ૨૪ પહોંચી access_time 10:49 pm IST

  • સુપ્રીમ કોર્ટને મળશે 2 નવા જજ : કર્ણાટકના ચીફ જસ્ટિસ શ્રી દિનેશ મહેશ્વરી અને દિલ્હી હાઇકોર્ટના જજ શ્રી સંજીવ ખન્ના બનશે સુપ્રિમકોર્ટના જજ અને ભારતના ચીફ જસ્ટિસ શ્રી ધનંજય ચંદ્રચુડની નિવૃતી બાદ જસ્ટીસ સંજીવ ખન્ના બનશે સુપ્રીમ કોર્ટના નવા ચીફ જસ્ટીસ તેમ આધારભૂત સૂત્રો દ્વારા જાણવા મળે છે. access_time 1:48 am IST

  • બેન્કરમાંથી નેતા બનેલી મીરા સાન્યાલનું નિધન :2014માં લોકસભા ચૂંટણી લડી હતી :આપ નેતા અને દિલ્હીના ઉપ મુખ્યમંત્રી મનીષ સિસોદિયાએ એક ટ્વીટ કરીને તેણીના નિધનની પુષ્ટિ કરી અને કહ્યું કે દેશે એક તીક્ષ્ણ આર્થિક પ્રતિભા અને ઉદાર આત્મા ગુમાવ્યો છે access_time 1:10 am IST