Gujarati News

Gujarati News

News of Saturday, 12th January 2019

જામનગરના ખાનગી હોસ્પિટલના કર્મચારી કોૈશિક વાળંદનો લેણદારની ધમકીથી ત્રાસી મેટોડામાં આપઘાત

ગેઇટ નં. ૨ પાસે ઝેર પીધા બાદ મેટોડામાં જ આવેલી પિત્રાઇ ભાઇની દૂકાને પહોંચ્યોઃ રાજકોટ સિવિલ હોસ્પિટલમાં ખસેડાયો પણ દમ તોડી દીધોઃ વાળંદ પરિવારમાં શોકઃ વ્યાજે નાણા આપનારા કોણ? તેનાથી પરિવારજનો અજાણ

રાજકોટ તા. ૧૨: જામનગરમાં જ્ઞાનગંગા સ્કૂલવાળી શેરીમાં રહેતાં અને ખાનગી હોસ્પિટલમાં નર્સિંગ સ્ટાફમાં નોકરી કરતાં વાળંદ યુવાન કોૈશિક ભીખુભાઇ લખતરીયા (ઉ.૨૮)એ સાંજે મેટોડામાં આવી ઝેર પી આપઘાત કરી લેતાં પરિવારમાં અરેરાટી વ્યાપી ગઇ છે. વ્યાજે નાણા આપનારા લેણદારોની ધમકીથી આ પગલું ભર્યાનું પ્રાથમિક તપાસમાં ખુલ્યું છે.

કોૈશિક ગઇકાલે સાંજે મેટોડા આવ્યો હતો અને ગેઇટ નં. ૨ પાસે ઝેર પી ગયા બાદ ત્યાં જ આવેલી તેના પિત્રાઇ ભાઇ મુકેશભાઇ મનસુખભાઇ લખતરીયાની દૂકાને પહોંચતા મુકેશભાઇને તે દવા પી ગયાની ખબર પડતાં તેના સગાભાઇ કમલેશભાઇ ભીખુભાઇ મેટોડામાં જ રહેતાં હોઇ તેને બોલાવી કોૈશિકને સારવાર માટે રાજકોટ સિવિલ હોસ્પિટલમાં ખસેડ્યો હતો. પરંતુ અહિ મોડી રાત્રે મોત નિપજ્યું હતું.

હોસ્પિટલ ચોકીના એએસઆઇ જગુભા ઝાલાએ લોધીકા પોલીસને જાણ કરી હતી. આપઘાત કરનાર કોૈશિક બે ભાઇ અને એક બહેનમાં નાનો તથા કુંવારો હતો. તે માતા મંજુબેન અને પિતા ભીખુભાઇ સાથે જામનગરમાં રહેતો અને હતો ક્રિષ્ના હોસ્પિટલમાં નોકરી કરતો હતો. તેણે કોઇ પાસેથી વ્યાજે નાણા લીધા હોઇ વ્યાજની ઉઘરાણી માટે ધમકી મળતી હોવાથી પગલું ભર્યાનું જણાવાતાં લોધીકા પોલીસે વિશેષ તપાસ હાથ ધરી છે. બનાવથી પરિવારમાં ગમગીની છવાઇ ગઇ છે. કોૈશિકે કેટલા રૂપિયા કોની પાસેથી વ્યાજે લીધા? તે અંગે પરિવારજનો અજાણ છે. (૧૪.૫)

(11:53 am IST)
  • ભારતે પાકિસ્તાનના નિષ્ણાતોને ચેનાબ નદી પર બે હાઈડ્રોપાવર પ્રોજેક્ટનું નિરીક્ષણ કરવા પ્રસ્તાવ મોકલ્યો :ભારતે પાકિસ્તાનને પત્ર લખીને પાકિસ્તાની વિશેષજ્ઞો દ્વારા 27મી જાન્યુઆરીથી 1 ફેબ્રુઆરી વચ્ચે જમ્મુ કાશ્મીરમાં ચેનાબ નદી પર બે હાઈડ્રોપાવર પરિયોજનાનું નિરીક્ષણ માટે તેની યાત્રાનો પ્રસ્તાવ મોકલ્યો છે :આઇડબલ્યુટી અંતર્ગત ભારતે સિંધુ આયુક્તએ પોતાના પાકિસ્તાન સમકક્ષને નિમંત્રણ મોકલ્યું છે access_time 1:07 am IST

  • જે ગાયના નામે મત માંગે છે તેમણે ગાયોને ઘાસચારો પણ આપવો જોઈએ : કેજરીવાલ : દિલ્હીના મુખ્યમંત્રી અરવિંદ કેજરીવાલે બાવાના પ્રવાસ દરમિયાન કહ્યું કે ભાજપના નેતૃત્વવાળી એમસીડીએ બે વર્ષથી આ વિસ્તારમાં એકપણ ગૌશાળાને ફંડ જારી કર્યું નથી ;વિકાસમંત્રી ગોપાલરાય સાથે મુખ્યમંત્રીએ ઉત્તર-પશ્ચિમ જિલ્લામાં બવાનામાં દિલ્હી સરકાર અને નાગર નિગમની ગ્રાન્ટેડ સૌથી મોટી શ્રી કૃષ્ણ ગૌશાળાની મુલાકાત લીધી હતી access_time 1:14 am IST

  • કાશ્મીરમાં સેનાની મોટી સફળતા : બે આતંકીઓ ઠાર ;દક્ષિણ કાશ્મીરના કુલગામ જિલ્લાના કાટપુરા વિસ્તારમાં આતંકીઓ છૂપાયાંની માહિતી બાદ સુરક્ષાદળોએ સમગ્ર વિસ્તારની ઘેરાબંધી કરી :તલાસી અભિયાન ચલાવ્યું :માર્યા ગયેલા બે આતંકી પૈકી એક જીનત ઉલ ઇસ્લામ ઉપર 15 લાખનું ઇનામ હતું : અને કુખ્યાત આતંકી બુરહાન વાણીનો સાથીદાર હતો access_time 12:49 am IST