Gujarati News

Gujarati News

News of Saturday, 12th January 2019

સૌરાષ્ટ્રમાં વહેલી સવારે ઠંડીનો ચમકારો : ધુમ્મસ છવાતા મુશ્કેલી

રાજકોટ-ભાવનગર-જુનાગઢ, દ્વારકા, ભૂજ સહિતના શહેરોમાં ૧૧થી ૧૭ ડીગ્રી લઘુતમ તાપમાન નોંધાયુ : સવારે ધુમ્મસને કારણે હાઇ-વે પર વાહન વ્યવહાર તથા રેલ્વે વ્યવહારને અસર

ભાવનગરમાં શીત લહેર :ટાઢાબોળ પવન ફૂંકાતા ભાવનગરમાં શીત લહેર યથાવત રહી છે. ઠંડી સામે રક્ષણ મેળવવા તાપણું કરી રહેલાઓ જોવા મળી રહ્યા છે. (તસ્વીર વિપુલ હિરાણી-ભાવનગર)

રાજકોટ, તા. ૧ર : છેલ્લા બે-ત્રણ દિવસથી સૌરાષ્ટ્રમાં ઠંડીનું પ્રમાણ ઓછુ થઇ રહ્યું છે, પરંતુ આજે વહેલી સવારે ઠંડીનો ચમકારો જોવા મળ્યો હતો જોકે ૮-૩૦ વાગ્યે બાદ સૌરાષ્ટ્રમાં મુખ્ય શહેરોમાં લઘુતમ તાપમાન ૧૧ થી ૧૭ ડીગ્રી જેટલુ નોંધાયું હતું, પરંતુ આજે ધુમ્મસ છવાઇ થતાં લોકોને ભારે મુશ્કેલી સર્જાઇ હતી.

વહેલી સવારે ઠંડીના ચમકારા બાદ ધોરાજી, ગોંડલ, રાજકોટ સુધી ગાઢ ધુમ્મસ છવાઇ જતાં હાઇ-વે ઉપર વાહન ચાલકોને ભારે મુશ્કેલી સર્જાઇ હતી. ધુમ્મસને કારણે એસ.ટી. બસના સમયપત્રકને તથા રેલ્વે વ્યવહારને માઠી અસર પહોંચી હતી.

દરમિયાન રાજયની હવામાન કચેરીએ આજે સવારે ૮-૩૦ વાગ્યે નોંધેલા ઠંડીના આંકડાઓ આ મુજબ છે.

અમદાવાદમાં ૧૬ ડીગ્રી, ડીસામાં ૧૩ ડીગ્રી, વડોદરામાં ૧૯ ડીગ્રી, સુરતમાં ૧પ ડીગ્રી, રાજકોટમાં ૧૭ ડીગ્રી, ભાવનગર ૧પ ડીગ્રી, વેરાવળમાં ૧૭ ડીગ્રી, દ્વારકામાં ર૦ ડીગ્રી, ઓખામાં ર૧ ડીગ્રી, ભુજમાં ૧૭ ડીગ્રી, નલીયામાં ૧૬ ડીગ્રી, સુરેન્દ્રનગરમાં ૧૭ ડીગ્રી, મહુવામાં ૧પ ડીગ્રી સુધી લઘુતમ તાપમાન નોંધાયેલ. (૮.પ)

(11:52 am IST)
  • સુપ્રીમ કોર્ટને મળશે 2 નવા જજ : કર્ણાટકના ચીફ જસ્ટિસ શ્રી દિનેશ મહેશ્વરી અને દિલ્હી હાઇકોર્ટના જજ શ્રી સંજીવ ખન્ના બનશે સુપ્રિમકોર્ટના જજ અને ભારતના ચીફ જસ્ટિસ શ્રી ધનંજય ચંદ્રચુડની નિવૃતી બાદ જસ્ટીસ સંજીવ ખન્ના બનશે સુપ્રીમ કોર્ટના નવા ચીફ જસ્ટીસ તેમ આધારભૂત સૂત્રો દ્વારા જાણવા મળે છે. access_time 1:48 am IST

  • છોટાઉદેપુર : મધ્યપ્રદેશમાં કથિત આંતર રાજય બાળ તસ્કરીનો કેસ :પોલીસે વધુ એક બાળક ઉગારી પાલક પિતાની ધરપકડ કરી :આરોપી શૈલુ રાઠોડે રૂ.૧ લાખમાં વેચ્યું હતું ચાર માસનું બાળક :રિકવર કરેલા કુલ બાળકોની સંખ્યા ૧૪ પર પહોંચી :બાળ તસ્કરી કેસમાં આરોપીઓની સંખ્યા ૨૪ પહોંચી access_time 10:49 pm IST

  • માત્ર 15 દિવસમાં ઉખેડી નાખશું મધ્યપ્રદેશ સરકાર ;ઉપરથી સિગ્નલ મળવાની રાહ છે : કૈલાશ વિજયવર્ગીય :કૈલાશ વિજયવર્ગીયે કાર્યકરોને કહ્યું કે આ ( મધ્યપ્રદેશ )સરકાર પાંચ વર્ષ ચાલનારી નથી ,જે દિવસે ઉપરથી સિગ્નલ મળી ગયું,15 દિવસની અંદર ઉખેડી નાખશું,તમે ચિંતા ના કરો ':ભાજપના નેતાનો આ વિડિઓ વાયરલ થતા ખળભળાટ મચી ગયો છે access_time 1:21 am IST