Gujarati News

Gujarati News

News of Saturday, 12th January 2019

માળીયાના મોટા દહીંસરામાં ભૂકંપના ૫ આંચકા

બપોર આંચકા બાદ લોકો બહાર નીકળી ગયા : તંત્ર પાસે સત્તાવાર નોંધ નહીં

મોરબી તા. ૧૨ : માળિયા તાલુકાના મોટા દહીંસરા ગામમાં શુક્રવારે બપોરે ભૂકંપના આંચકા અનુભવાયા હતા અને ભૂકંપને પગલે ગ્રામજનોમાં ભય વ્યાપી ગયો હતો જોકે સરકારી વિભાગમાં આ અંગે કોઈ નોંધ ના હોવાની માહિતી પ્રાપ્ત થઇ છે.

માળિયાના મોટા દહીંસરા ગામે બપોરે ૨ ને ૧૦ ના સુમારે ભૂકંપના આંચકા ગ્રામજનોએ અનુભવ્યા હતા અને ગ્રામજનોના જણાવ્યા અનુસાર એક બાદ એક પાંચ જેટલા ભૂકંપના આંચકા આવ્યા હતા અને ભૂકંપને પગલે ગ્રામજનો ઘરની બહાર દોડાદોડી કરવા લાગ્યા હતા અને ભૂકંપના આંચકા ખરેખર આવ્યા છે કે નહિ તે અંગે ડીઝાસ્ટર વિભાગના અધિકારી મહેશભાઇ કુવારીયાનો સંપર્ક કરતા તેમને ભૂકંપના આંચકા નોંધાયા ના હોવાનું જણાવ્યું હતું તો અગાઉ પણ ભૂકંપના આંચકા લોકોએ અનુભવ્યા હોય અને ઘરની બહાર દોડી ગયાના કિસ્સા નોંધાયા છે ત્યારે પણ સરકારી તંત્રના ચોપડે ભૂકંપની નોંધ ના હતી ત્યારે ભૂકંપની તીવ્રતા માપવાના મશીનમાં ખરેખર ગરબડ છે કે પછી આજે મોટા દહીંસરા ગામમાં ભૂકંપના આંચકા આવ્યા જ ના હતા અને ગ્રામજનોને ભ્રમ થયો હતો તે કહેવું મુશ્કેલ છે.(૨૧.૪)

 

(9:59 am IST)
  • મેઘાલય કેબિનેટમાં નાગરિકતા વિધેયક વિરુદ્ધ પ્રસ્તાવ પાસ ;ભાજપના ધારાસભ્યોએ પણ આપ્યું સમર્થન :મેઘાલય ડેમોક્રેટીક અલાયન્સ કેબિનેટે નાગરિકતા સંશોધન વિધેયકનો વિરોધ કરતા એક ઠરાવ પાસ કર્યો :ભાજપે મંત્રીમંડળના નિર્ણયનું સમર્થન કર્યું છે access_time 1:08 am IST

  • રવિવારે ફરીવાર ઇંધણના ભાવમાં મોટો વધારો :પેટ્રોલના ભાવમાં લિટરે 47 પૈસા અને ડીઝલના ભાવમાં લિટરે 61 પૈસાનો વધારો ઝીક્યો ;છેલ્લા ત્રણ દિવસથી એકધારો ભાવ વધારાથી વાહન ચાલકોને વધતો બોજો :વૈશ્વિક બજારમાં ક્રૂડના વધતા ભાવને પગલે ઘર આંગણે પણ પેટ્રોલ -ડીઝલના ભાવમાં ઝીકાતો વધારો :ડિસેમ્બરમાં રાહત બાદ જાન્યુઆરીમાં ઇંધણના ભાવમાં ઘટાડો અટક્યો access_time 12:45 am IST

  • સુપ્રીમ કોર્ટને મળશે 2 નવા જજ : કર્ણાટકના ચીફ જસ્ટિસ શ્રી દિનેશ મહેશ્વરી અને દિલ્હી હાઇકોર્ટના જજ શ્રી સંજીવ ખન્ના બનશે સુપ્રિમકોર્ટના જજ અને ભારતના ચીફ જસ્ટિસ શ્રી ધનંજય ચંદ્રચુડની નિવૃતી બાદ જસ્ટીસ સંજીવ ખન્ના બનશે સુપ્રીમ કોર્ટના નવા ચીફ જસ્ટીસ તેમ આધારભૂત સૂત્રો દ્વારા જાણવા મળે છે. access_time 1:48 am IST