Gujarati News

Gujarati News

News of Saturday, 12th January 2019

વાંકાનેરના ફળેશ્વર મંદિરે આજે રાત્રે સંગીતમય સુંદરકાંડના પાઠ-ભજન

જોડીયાવાળા કલાકાર અલ્કેશભાઇ ઓજા-ભોલેબાબા ગ્રુપ રંગત જમાવશે

વાંકાનેર તા.૧૨: વાંકાનેરમાં જડેશ્વર રોડ ઉપર આવેલ વર્ષો પુરાણી ઐતિહાસિક શ્રી મુીનબાવાની જગ્યા શ્રી ફળેશ્વર મહાદેવ મંદિર ખાતે ફળેશ્વર મહાદેવ મંદિરના ''પ્રાર્થના હોલ''માં આજે તા. ૧૨-૧-૧૯ને શનિવારે રાત્રીના ૯ કલાકથી ''સંગીતમય સુંદરકાંડના પાઠ-ધૂન-સંકિર્તન'' તેમજ ભજનનો ભવ્ય કાર્યક્રમ રાખેલ છે.

જોડીયાવાળા કલાકાર અલ્કેશભાઇ સોની (ભજનના આરાધક) તેમજ ''ભોલેબાબા ગૃપ''ના સર્વે સાધક-ભાવિક ભકતજનો સાહુહિકમાં સુંદરકાંડના પાઠ-હનુમાન ચાલીસા-ધૂનનું ગાન કરશે ત્યારબાદ ભજનીક શ્રી અલ્કેશભાઇ સોની ભજનોની -ગરબાની રંગત જમાવશે.

આ કાર્યક્રમનો શુભ પ્રારંભ દિપ પ્રગટાવી શ્રી ફળેશ્વર મહાદેવ મંદિરના શ્રી પટેલ બાપુ-તેમજ શ્રી ગાયત્રી શકિતપીઠ-વાંકાનેરના અશ્વિનભાઇ રાવલના હસ્તે થશે. અલ્કેશભાઇના સ્વરમાં સુંદરકાંડના પાઠ તેમજ ભજનો સાંભળવા એક લ્હાવો છે. અત્રે ઉલ્લેખનીય છે કે શ્રી ફળેશ્વર મહાદેવ મંદિરના બ્રહ્મલીન મહંત સદ્દગુરૂદેવ શ્રી રામકિશોરદાસજી બાપુનો જીવનમંત્ર હતો કે ''ભજન કરી અને ભોજન કરાવો'' જે હેતું અનુસાર પૂ. સદ્દગુરૂદેવ શ્રી રામકિશોરદાસજી બાપુની દયાથી શ્રી ફળેશ્વર મંદિરમાં સાધુ-સંતોને ગરીબોને ભોજન તેમજ શ્રી ફળેશ્વર મંદિરમાં (૧) ગૌશાળા (ર) પક્ષીઓને ચણ, (૩) સાધુ-સંતો તથા ગરીબોને ભોજન, (૪) કોઇપણ આફત સમયે સેવા આ પ્રવૃતિ શ્રી ફળેશ્વર મંદિર દ્વારા કાયમ માટે ચાલું છે.

પૂ. મહંત શ્રી રામકિશોરદાસજી બાપુ અહિયાં રહેતી ''ગાયો''ને દરેક ગાયને નામથી બોલાવતા હતા. તેઓને ગાય માતાની સેવા અતિ પ્રિય હતી. આ જગ્યામાં શ્રી ફળેશ્વર મંદિરમાં ભવ્ય શિવાલય, શ્રી રામ દરબાર, પૂ. સંત શ્રી જલારામાબાપુનું મંદિર-પૂ. રામકિશોરદાસજી બાપુનું મંદિર અખંડ ધૂણો વગેરે છે. આ દિવ્ય પાવન પૂણ્યશાળી પર્વે પધારવા શ્રી ફળેશ્વર સેવા સમિતિ દ્વારા અપીલ કરાઇ છે.(૧.૨)

 

(9:56 am IST)
  • રવિવારે ફરીવાર ઇંધણના ભાવમાં મોટો વધારો :પેટ્રોલના ભાવમાં લિટરે 47 પૈસા અને ડીઝલના ભાવમાં લિટરે 61 પૈસાનો વધારો ઝીક્યો ;છેલ્લા ત્રણ દિવસથી એકધારો ભાવ વધારાથી વાહન ચાલકોને વધતો બોજો :વૈશ્વિક બજારમાં ક્રૂડના વધતા ભાવને પગલે ઘર આંગણે પણ પેટ્રોલ -ડીઝલના ભાવમાં ઝીકાતો વધારો :ડિસેમ્બરમાં રાહત બાદ જાન્યુઆરીમાં ઇંધણના ભાવમાં ઘટાડો અટક્યો access_time 12:45 am IST

  • 'અંગુઠા છાપ ''નિવેદન પર પોતાના ઘરમાં જ ઘેરાયા રામવિલાસ પાસવાન ;પુત્રીએ કહ્યું માફી માંગો નહીંતર ધરણા કરીશ ;પાસવાનની પુત્રી આશાએ ચેતવણી આપી છે કે જો તેના પિતા આના માટે માફી નહિ માંગે તો પટના સ્થિત લોજપાના પ્રદેશ મુખ્યાલય સામે ધરણા પર બેસશે access_time 12:54 am IST

  • ભારતે પાકિસ્તાનના નિષ્ણાતોને ચેનાબ નદી પર બે હાઈડ્રોપાવર પ્રોજેક્ટનું નિરીક્ષણ કરવા પ્રસ્તાવ મોકલ્યો :ભારતે પાકિસ્તાનને પત્ર લખીને પાકિસ્તાની વિશેષજ્ઞો દ્વારા 27મી જાન્યુઆરીથી 1 ફેબ્રુઆરી વચ્ચે જમ્મુ કાશ્મીરમાં ચેનાબ નદી પર બે હાઈડ્રોપાવર પરિયોજનાનું નિરીક્ષણ માટે તેની યાત્રાનો પ્રસ્તાવ મોકલ્યો છે :આઇડબલ્યુટી અંતર્ગત ભારતે સિંધુ આયુક્તએ પોતાના પાકિસ્તાન સમકક્ષને નિમંત્રણ મોકલ્યું છે access_time 1:07 am IST