Gujarati News

Gujarati News

News of Friday, 12th January 2018

કચ્છનાં આદિપુર-અંજાર રોડ ઉપર ટ્રેનના પાટા ઉપર બસ ખોટકાઇ જતા ટ્રાફિકજામ

ભુજ : કચ્છના અંજાર-આદિપુર હાઇ-વે ઉપર આજે સવારે એક ખાનગી કંપનીની બસ રેલ્વે ફાટક ઉપર જ બગડી હતી. બસમાં તકનિકી ખામી સર્જાતા ધકકાં મારીને ફાટકથી આગળ વધારી શકાય ન હતી. આ સમસ્યાના કારણે આદિપુરથી અંજાર આવતા અને અંજારથી આદિપુર આવતા સેંકડો વાહનોના થપ્પા લાગ્યા હતા.

વાહનોની લાંબી કતારના કારણે ટ્રાફિક જામની સમસ્યા સર્જાઇ હતી. જેને નિવારવા સ્થળ પર કોઇ પોલીસ ન પહોંચતાં અનેક વાહનચાલકો કલાકો સુધી અટવાયા હતા.

ટ્રાફિકજામના કારણે ભુજ-ગાંધીધામ વચ્ચે અવર-જવર કરતી બસોને વાયા અંજાર ગળપાદર રોડ તરફ દોડાવવાની ફરજ પડી હતી.

જેથી આદિપુર જતા પ્રવાસીઓ મુશ્કેલીમાં મુકાયા હતા. દરમ્યાન ફાટક વચ્ચે જ બસ અટકી જતા મુંદરાથી ગાંધીધામ તરફ આવતું ટ્રેનનું એન્જિન અટકાવાયું હતું. ૨ કલાક બાદ બસ આગળ નીકળતાં ટ્રાફિક રાબેતા મુજબ થયો હતો.

(8:14 pm IST)
  • ભારતમાં ૮૦ ટકા લોકો મિડીયા ન્યુઝને અધિકૃત માને છેઃ અમેરીકામાં ૬૨ ટકા માને છે ભારતમાં વસતા પ્રજાજનો પૈકી ૮૦ ટકા લોકો મિડીયાના ન્યુઝને અધિકૃત માને છેઃ જયારે અમેરીકામાં આવા લોકોની સંખ્યા ૬૨ ટકા છેઃ ઉપરાંત ભારતના ૭૨ ટકા લોકો મિડીયાને તટસ્થ તથા નિરપક્ષ ગણતા હોવાનો સર્વે બહાર આવ્યો છે. access_time 3:48 pm IST

  • બજેટ પેહલા કેન્દ્ર સરકારને લાગ્યો ઝાટકો : રીટેલ ફુગાવો વધીને 5.21% થયો : બીજીબાજુ ઔદ્યોગિક ઉત્પાદન (IIP)ના આક્ડાઓએ આપી રાહત, જે વધીને 8.૪% થયો. access_time 7:37 pm IST

  • મ્યાનમારમાં ગુરુવારે મોડી રાતે ૬.૦ની તીવ્રતાનો ભૂકંપ આવ્યો હતો : હતાહતના કોઈ એહવાલો નથી. access_time 3:08 pm IST