Gujarati News

Gujarati News

News of Friday, 12th January 2018

જામનગરમાં વિપક્ષ કોંગ્રેસના કોર્પોરેટરને ગ્રાન્ટ ન ફાળવતા સતાધારી ભાજપનાં નેતાઓને સદબુધ્ધિ માટે હવન

જામનગર : જામનગરમાં કોંગ્રેસ દ્વારા નવતર કાર્યક્રમ આપીને સતાધારી ભાજપના નેતાઓની સદબુધ્ધિ માટે કોર્પોરેશનમાં હવન કર્યો હતો. કોર્પોરેશનમાં સતાધારી ભાજપનાં ૩૮, કોંગ્રેસના ૨૪ અને અન્ય ૨ કોર્પોરેટર હોઇ, તેમા  વિપક્ષના કોર્પોરેટરને ગ્રાન્ટ આપવામાં આવતી નથી. વિપક્ષી કોર્પોરેટર દ્વારા આજે જામનગર મહાનગરપાલિકાના ખડી સમિતિના ચેરમેનને વિપક્ષી કોર્પોરેટર દ્વારા આવેદન પાઠવ્યું હતું. જેમા જણાવ્યું છે કે સતાધારી પક્ષ એકબીજાને ખો આપે છે. મહાનગરપાલિકાના તમામ ચૂંટાયેલા કોર્પોરેટરને લોકોના કામ કરવા માટે સરકારે નકકી કરેલી ગ્રાન્ટ ફાળવવી ફરજીયાત છે જનરલ બોર્ડનો પણ ઠરાવ થયેલ છે તેથી હેતુફેર ના થઇ શકે છતાય હેતુ ફેર કરી ગ્રાન્ટ અન્ય જગ્યાએ વાપરી નાખી છે. શાસક પક્ષની ભાજપની અણ આવડતના લીધે જામનગર મહાનગરપાલિકા ઉપર સતત દેવું વધતું જાય છે છતાં લોક ઉપયોગી ન હ હોય તેવા કામોમાં ઢગલાબંધ રૂપિયા વહીવટ કરી વાપરીને પાલિકાની તિજોરી તળિયા ઝાટક કરી શાસક પક્ષે નાદારી ભરી સ્થિતિ કરી છે.

વિપક્ષના કોર્પોરેટરોની ગ્રાન્ટ આપવાને બદલે અપેક્ષાનું ફીંડલુ વાળી વિપક્ષના કોર્પોરેટરોની ગ્રાન્ટ ના નાણા બીજે વાપરી નાખ્યા છે. જેની સામે જામનગરની જનતા વતી સખતમાં સખત વિરોધ નોંધાવ્યો છે વિપક્ષી કોર્પોરેટરો આટલેથી ન અટકતા કોર્પોરેશનમાં જ હવન કરીને શાસક પક્ષના નેતાઓની સદબુધ્ધિ માટે પ્રાર્થના કરી હતી.

(8:12 pm IST)
  • બજેટ પેહલા કેન્દ્ર સરકારને લાગ્યો ઝાટકો : રીટેલ ફુગાવો વધીને 5.21% થયો : બીજીબાજુ ઔદ્યોગિક ઉત્પાદન (IIP)ના આક્ડાઓએ આપી રાહત, જે વધીને 8.૪% થયો. access_time 7:37 pm IST

  • સુપ્રીમ કોર્ટના જજોના વિવાદ પર કૉંગ્રેસે SIT દ્વારા તપાસ કરાવવાની કરી માંગ : પત્રકાર પરિષદમાં ન્યાયમૂર્તિઓના મુદ્દે કોંગેસ અધ્યક્ષ રાહુલ ગાંધીએ કહ્યું કે આ ઘટના અભૂતપૂર્વ છે, પ્રથમ વખત આવી ઘટના બની છે - ન્યાયમૂર્તિઓએ જસ્ટીસ લોયાની વાત કરી છે, તેની ઉચ્ચ સ્તરે તપાસ કરાવો - ન્યાયમૂર્તિઓનો પ્રશ્ન અત્યંત મહત્વપૂર્ણ છે તેનો ત્વરિત ઉકેલ લાવવો જોઈએ - સમગ્ર દેશને અદાલતી પ્રણાલી પર સંપૂર્ણ વિશ્વાસ છે : શ્રી સુર્જેવાલાએ વધુમાં કહ્યું કે સુપ્રીમ કોર્ટને ન્યાયમૂર્તિઓ દ્વારા ઉઠાવવામાં આવેલા મુદ્દાઓ પર વિચાર કરવો જોઇએ : જજો દ્વારા થયેલ પત્રકાર પરિષદ લોકશાહી પર દૂરગામી અસર કરશે access_time 8:11 pm IST

  • વિવાદનું મુળ જસ્ટીસ લોયાના મૃત્યુની તપાસ સાથે સંકળાયેલો છે : પ્રેસ કોન્ફરન્સ દરમિયાન સુપ્રિમ કોર્ટના જસ્ટીસ રંજન ગોગોએ આપેલા નિર્દેશ access_time 4:04 pm IST