Gujarati News

Gujarati News

News of Friday, 12th January 2018

જામનગર એસબીઆઇમાં ઘુસીને કેશિયરની નજર ચુકવીને લાખોની લૂંટ

જામનગર : જામનગરમાં તસ્કરો ભય વગર બેન્કમાં ઘુસીને રૂ. ૬.૨૦ લાખની રોકડની લૂંટ ચલાવીને નાશી છૂટતા સનસનાટી મચી ગઇ છે. આ બનાવની પ્રાપ્ત માહિતી મુજબ જામનગરમાં બેડી ગેટ રોડ પર જૂની અનુપમ સિનેમા સામે સ્ટેટ બેંક ઓફ ઇન્ડિયામાં બપોરે કેશિયર કેબીનમાં રૂટિન કામકાજ ચાલી રહ્યું હતુ ત્યારે બેથી ત્રણ અજાણ્યા શખ્સો બેંકની કેશિયર કેબીન સુધી પહોંચી ગયા હતા અને કેશિયરની નજર ચૂકવીને કેશિયરની કેબીનના ટેબલના ખાનામાં રાખેલા ૬.૨૦ લાખની રોકડ રકમ ઉઠાવી નાશી ગયા હતા.

બેન્કના કામકાજના સમયે ગણતરીની મીનીટોમાં ભેજાબાજો લાખોની રકમ ઉઠાવી નાસી ગયા હતા અને બનાવ અંગે જાણ થતા એસપી  પ્રદીપ સેજુળની સૂચનાથી એલસીબી અને એસઓજી ટીમ બેંક પર પહોંચી હતી જયાં કેશિયર સહિતના કર્મચારીઓની પૂછપરછ ચલાવી હતી તેમજ પોલીસે આરોપીના સગડ મેળવવા માટે સીસીટીવી ફૂટેજ પણ તપાસી અજાણ્યા ઇસમો સામે ગૂનો નોંધી વધુ તપાસ હાથ ધરી છે.

(8:12 pm IST)
  • મમતા બેનર્જીને ડૉકટર ઓફ લીટરેચર ડીગ્રીથી સમ્માનીત કર્યાઃ વિશ્વ વિદ્યાલયના પૂર્વ વાઈસ ચાંસેલરે મુખ્યમંત્રી મમતા બેનર્જીને મળેલ ડીગ્રીનો વિરોધ કર્યો access_time 2:14 pm IST

  • સુપ્રીમ કોર્ટના જજોના વિવાદ પર કૉંગ્રેસે SIT દ્વારા તપાસ કરાવવાની કરી માંગ : પત્રકાર પરિષદમાં ન્યાયમૂર્તિઓના મુદ્દે કોંગેસ અધ્યક્ષ રાહુલ ગાંધીએ કહ્યું કે આ ઘટના અભૂતપૂર્વ છે, પ્રથમ વખત આવી ઘટના બની છે - ન્યાયમૂર્તિઓએ જસ્ટીસ લોયાની વાત કરી છે, તેની ઉચ્ચ સ્તરે તપાસ કરાવો - ન્યાયમૂર્તિઓનો પ્રશ્ન અત્યંત મહત્વપૂર્ણ છે તેનો ત્વરિત ઉકેલ લાવવો જોઈએ - સમગ્ર દેશને અદાલતી પ્રણાલી પર સંપૂર્ણ વિશ્વાસ છે : શ્રી સુર્જેવાલાએ વધુમાં કહ્યું કે સુપ્રીમ કોર્ટને ન્યાયમૂર્તિઓ દ્વારા ઉઠાવવામાં આવેલા મુદ્દાઓ પર વિચાર કરવો જોઇએ : જજો દ્વારા થયેલ પત્રકાર પરિષદ લોકશાહી પર દૂરગામી અસર કરશે access_time 8:11 pm IST

  • એક્વાડોરે વિકિલીક્સના સ્થાપક જુલિયન અસાંજેને પોતાની નાગરિકતા આપી : સ્વીડન પોલીસ તેની રેપ કેસમાં ધરપકડ ન કરે એ ડરથી અસાંજે પાંચ વર્ષથી વધુ સમયથી લંડનમાં એક્વાડોરના દૂતાવાસમાં આશ્રયમાં રહેતા હતા : તેના પર રેપનો આરોપ હતો, પણ સ્વીડનેએ આરોપો તેના પર થી રદ કર્યા હતા access_time 9:31 am IST