Gujarati News

Gujarati News

News of Friday, 12th January 2018

કાલાવડ માર્કેટીંગ યાર્ડમાં ભાજપનો ભગવો લહેરાયોઃ ચેરમેન પદે યુવરાજસિંહ જાડેજા

કાલાવડ, તા. ૧૨ :. ખેતીવાડી ઉત્પન્ન બજાર સમિતિના હોદેદારોની ચૂંટણી યોજાયેલ હતી. જેમા ચેરમેન પદે યુવરાજસિંહ હેંમતસિંહ જાડેજા તથા વાઈસ ચેરમેન પદે કાંતીભાઈ ગઢીયા બીનહરીફ ચૂંટાયેલ હતા. આ ચૂંટણી માટે છેક છેલ્લે સુધી રાજકીય દાવપેચ તેમજ કાનૂની દાવપેચ હરીફ જુથ દ્વારા કરવામાં આવેલ હતા તેમ છતા ભાજપાના હોદેદારોનો વિજય થયો હતો.

કાલાવડના નેતા અને કૃષિમંત્રી આર.સી. ફળદુનું સતત માર્ગદર્શન તેમજ વરીષ્ઠ આગેવાન અને એમએમટીસીના ડાયરેકટર રાજેન્દ્રસિંહ જાડેજાની ભૂમિકા મહત્વની રહેલ હતી.

યાર્ડના સર્વે ડાયરેકટરો તથા કાલાવડ નગરપાલિકા પ્રમુખ મનોજભાઈ જાની, ખેડૂત આગેવાન જમનભાઈ તારપરા, રૂદ્રદતસિંહ જાડેજા, વેપારી અગ્રણી રમેશભાઈ તાળા તથા વિજયભાઈ ફળદુ વગેરેએ કામગીરી કરી હતી.

આ ચૂંટણીના પરિણામ બાદ ભાજપાના સર્વ હોદેદારો, આગેવાનો તેમજ વેપારીઓ અને ગ્રામ્ય વિસ્તારમાંથી આવેલ ખેડૂત આગેવાનોએ ભાજપનો વિજય ઉત્સવ મનાવેલ હતો.

(12:01 pm IST)
  • ઇંગ્લેન્ડના નોટિંગઘમ રેલવે સ્ટેશનમાં લાગી ભીષણ આગ : સમગ્ર સ્ટેશન ખાલી કરાવાયું : આગ પર કાબુ મેળવવા અગ્નિશામક તંત્ર લાગ્યું કામે : આતંકી હુમલાની સેવાય રહી સંભાવના access_time 11:01 pm IST

  • સુપ્રીમ કોર્ટના જજોના વિવાદ પર કૉંગ્રેસે SIT દ્વારા તપાસ કરાવવાની કરી માંગ : પત્રકાર પરિષદમાં ન્યાયમૂર્તિઓના મુદ્દે કોંગેસ અધ્યક્ષ રાહુલ ગાંધીએ કહ્યું કે આ ઘટના અભૂતપૂર્વ છે, પ્રથમ વખત આવી ઘટના બની છે - ન્યાયમૂર્તિઓએ જસ્ટીસ લોયાની વાત કરી છે, તેની ઉચ્ચ સ્તરે તપાસ કરાવો - ન્યાયમૂર્તિઓનો પ્રશ્ન અત્યંત મહત્વપૂર્ણ છે તેનો ત્વરિત ઉકેલ લાવવો જોઈએ - સમગ્ર દેશને અદાલતી પ્રણાલી પર સંપૂર્ણ વિશ્વાસ છે : શ્રી સુર્જેવાલાએ વધુમાં કહ્યું કે સુપ્રીમ કોર્ટને ન્યાયમૂર્તિઓ દ્વારા ઉઠાવવામાં આવેલા મુદ્દાઓ પર વિચાર કરવો જોઇએ : જજો દ્વારા થયેલ પત્રકાર પરિષદ લોકશાહી પર દૂરગામી અસર કરશે access_time 8:11 pm IST

  • વિવાદનું મુળ જસ્ટીસ લોયાના મૃત્યુની તપાસ સાથે સંકળાયેલો છે : પ્રેસ કોન્ફરન્સ દરમિયાન સુપ્રિમ કોર્ટના જસ્ટીસ રંજન ગોગોએ આપેલા નિર્દેશ access_time 4:04 pm IST