Gujarati News

Gujarati News

News of Friday, 12th January 2018

તળાજામાં દેશી ચાંચીયાઓનું કારસ્તાનઃ ચાલુ જહાજે ચોરી કરનારા ૩ ઝડપાયા

ભાવનગર, તા.,૧રઃ અલંગ મરીન પો.સ.ઇ. સી.જી.જોષી પાસેથી મળતી વિગતો અનુસાર ગત તા.૭ ના રોજ અગ્રણી શીપ બ્રેકર પાર્થ રમેશભાઇ મેંદપરાએ ખરીદેલ શીપ ઓસીયન-૧ ને મધ દરીયેથી ટગ દ્વારા ખેંચીને બીચ કરવા માટે લાવવામાં આવી રહયું હતું.

સરતાનપર (બંદર)ના કિનારાના સામેના મધદરીયેથી જહાજ આવતુ જોઇ સ્થાનીક દેશી ચાંચીયાઓએ પોતાની એન્જીનવાળી હોડી તૈયાર કરી જહાજની લગોલગ ચલાલવી દેશી ચાંચીયાઓ કેપ્ટન સીડીથી ચાલુ જહાજે જીવના જોખમે ચઢી ગયા હતા.

જે હાથ લાગ્યું તે જહાજની વસ્તુઓ ચોરી કરી હોડીમાના ઇસમને આપતા જતા હતા આ તસ્કરીની ફરીયાદ અલંગ પોલીસને મળતા તેમણે દેશી ચાંચીયાઓ વિશે માહીતી મેળવતા સરતાનપર (બંદર)ના વલ્લભભાઇ લાખાભાઇ ચૌહાણ, ચંદુ ડાયા  ચૌહાણ અને મયુર ઓઘડ ચૌહાણને ર૬પ૦ના મુદામાલ સાથે ઝડપી લીધા હતા.

(11:57 am IST)
  • અમેરિકાના દક્ષિણ કેલિફોર્નિયામાં આવેલા ભારે વરસાદ બાદ પૂરની સ્થિતિ સર્જાઈ છે. કેલિફોર્નિયામાં અનેક વિસ્તારોમાં ભૂસ્ખલનની ઘટના બની છે, જેના કારણે હજારો લોકો બેઘર થઈ ગયા છે અને 17 લોકોના મોત નિપજ્યા છે. જ્યારે 20થી વધુ લોકો લાપતા છે. મૃત્યુઆંક હજુ પણ વધે તેવી શક્યતા સેવાઈ રહી છે. access_time 6:16 pm IST

  • પશ્ચિમ બંગાળમાં ભાજપનું બે મહિનામાં બીજીવાર લઘુમતી સંમેલનઃ મમતા ના બ્રાહ્મણ કાર્ડ સામે ભાજપે મુસ્લિમ સંમેલન કર્યું: આ વર્ષની પંચાયતી ચૂંટણી જીતવા ભાજપની પશ્ચિમ બંગાળની વસતીના ૩૦ ટકા મુસ્લિમ મતદારો પર મીટ access_time 11:34 am IST

  • બિહારમાં નિતીશના કાફલા ઉપર હુમલો : સંખ્યાબંધ સુરક્ષા જવાનો ઘવાયા : સમીક્ષા યાત્રા દરમિયાન પથ્થરો ફેંકાયા : નીતિશકુમાર હેમખેમ access_time 4:13 pm IST