Gujarati News

Gujarati News

News of Friday, 12th January 2018

પ્રભાસ પાટણ-સોમનાથ-સુત્રાપાડામાં માંધાતા પ્રાગટય મહોત્સવની ઉજવણી

રવિવારે વિવિધ કાર્યક્રમોઃ શોભાયાત્રા

પ્રભાસ પાટણ તા. ૧ર :.. શ્રી વીર માંધાતા યુવા સેવા સંગઠન ગીર સોમનાથ દ્વારા શ્રી માંધાતા પ્રાગટય મહોત્સવ નિમિતે પ્રભાસ પાટણ-સોમનાથ  અને સુત્રાપાડામાં તા. ૧૪ ને રવિવારનાં વિવિધ કાર્યક્રમોનું આયોજન કરવામાં આવેલ છે. જેમાં ભવ્ય શોભાયાત્રા સુત્રાપાડા મુકામે સવારના ૮ થી ૧ર ભવ્ય શોભાયાત્રા વાછરા દાદા ચોકથી ધનેશ્વર મંદિર થઇને બસ સ્ટેશનથી માંધાતા ઓફીસે સમાપન થશે.

સોમનાથ પ્રભાસ પાટણમાં પણ ભવ્ય શોભાયાત્રા નિકળશે. સોમનાથ - પ્રભાસ પાટણનાં શાંતિનગરથી ગુડલક, વેગડાજી ભીલનાં મંદિરથી વેણેશ્વર મંદિર સમાપન થશે.

બાઇક રેલી બપોરે ૧ર થી ૧ સુત્રાપાડાથી પ્રસ્થાન થઇ ડાભોર હાઇવે બાયપાસથી વેરાવળ ટાવર ચોકથી ભાલકા ભીડીયા - પાટણ શાંતિનગર ફરશે અને આ રેલી પૂર્ણ થયા બાદ પ્રભાસ પાટણ સોમનાથ મુકામે ગીર-સોમનાથ અને જુનાગઢ જીલ્લાનાં તાજેતરમાં કોળી સમાજનાં  જીતેલા ધારાસભ્યનો સન્માન સમારંભ યોજાશે.

આ કાર્યક્રમમાં સમગ્ર ગીર સોમનાથ જીલ્લાનાં કોળી સમાજનાં દરેક ભાઇ-બહેનોને જોડાવા સમસ્ત શ્રી વીર કોળી માંધાતાં પરીવાર દ્વારા જાહેર આમંત્રણ પાઠવવામાં આવે છે.

(11:46 am IST)
  • સુપ્રીમ કોર્ટના જજોના વિવાદ પર કૉંગ્રેસે SIT દ્વારા તપાસ કરાવવાની કરી માંગ : પત્રકાર પરિષદમાં ન્યાયમૂર્તિઓના મુદ્દે કોંગેસ અધ્યક્ષ રાહુલ ગાંધીએ કહ્યું કે આ ઘટના અભૂતપૂર્વ છે, પ્રથમ વખત આવી ઘટના બની છે - ન્યાયમૂર્તિઓએ જસ્ટીસ લોયાની વાત કરી છે, તેની ઉચ્ચ સ્તરે તપાસ કરાવો - ન્યાયમૂર્તિઓનો પ્રશ્ન અત્યંત મહત્વપૂર્ણ છે તેનો ત્વરિત ઉકેલ લાવવો જોઈએ - સમગ્ર દેશને અદાલતી પ્રણાલી પર સંપૂર્ણ વિશ્વાસ છે : શ્રી સુર્જેવાલાએ વધુમાં કહ્યું કે સુપ્રીમ કોર્ટને ન્યાયમૂર્તિઓ દ્વારા ઉઠાવવામાં આવેલા મુદ્દાઓ પર વિચાર કરવો જોઇએ : જજો દ્વારા થયેલ પત્રકાર પરિષદ લોકશાહી પર દૂરગામી અસર કરશે access_time 8:11 pm IST

  • એક્વાડોરે વિકિલીક્સના સ્થાપક જુલિયન અસાંજેને પોતાની નાગરિકતા આપી : સ્વીડન પોલીસ તેની રેપ કેસમાં ધરપકડ ન કરે એ ડરથી અસાંજે પાંચ વર્ષથી વધુ સમયથી લંડનમાં એક્વાડોરના દૂતાવાસમાં આશ્રયમાં રહેતા હતા : તેના પર રેપનો આરોપ હતો, પણ સ્વીડનેએ આરોપો તેના પર થી રદ કર્યા હતા access_time 9:31 am IST

  • અમેરિકાના દક્ષિણ કેલિફોર્નિયામાં આવેલા ભારે વરસાદ બાદ પૂરની સ્થિતિ સર્જાઈ છે. કેલિફોર્નિયામાં અનેક વિસ્તારોમાં ભૂસ્ખલનની ઘટના બની છે, જેના કારણે હજારો લોકો બેઘર થઈ ગયા છે અને 17 લોકોના મોત નિપજ્યા છે. જ્યારે 20થી વધુ લોકો લાપતા છે. મૃત્યુઆંક હજુ પણ વધે તેવી શક્યતા સેવાઈ રહી છે. access_time 6:16 pm IST