Gujarati News

Gujarati News

News of Wednesday, 11th December 2019

લાલપુર - તાલાળા - આમરણમાં ભૂકંપના આંચકા

૩.૦ થી ૨.૨ની તીવ્રતાના ધરતીકંપથી ધરતી ધ્રુજી : લોકોમાં ભય

રાજકોટ, તા. ૧૧ : આજે સવારથી બપોર સુધીમાં જામનગર અને ગીર સોમનાથ જીલ્લામાં ભૂકંપના આંચકા અનુભવાતા લોકોમાં ભય ફેલાયો છે.

ગાંધીનગર સ્થિત સીસ્મો ગ્રાફી સેન્ટરના અહેવાલમાં જણાવાયુ છે કે  આજે સવારે ૮:૩૦ વાગ્યે ૨.૨ અને ૯.૯ વાગ્યે ૧.૦ની તીવ્રતાનો ભૂકંપનો આંચકો ગીર સોમનાથ જીલ્લાના તાલાળામાં અનુભવાયો હતો.

થોડા દિવસો બાદ તાલાળામાં ફરીથી ભૂકંપનો આંચકો આવતા લોકોમાં ભય પ્રસરી ગયો છે.

આજે બપોરે ૧૧.૧ વાગ્યે જામનગર જિલ્લાના લાલપુરમાં ૩.૦ની તીવ્રતાનો ભૂકંપનો આંચકો અનુભવાયો હતો. આ ભૂકંપથી લોકો ઘરની બહાર નીકળી ગયા હતા.

આમરણના પ્રતિનિધિ મહેશ પંડ્યાના અહેવાલમાં જણાવાયુ છે કે આજે બપોરે ૧૨:૪૫ વાગ્યા આસપાસ આમરણમાં ૫ મિનિટ દરમિયાન ભૂકંપના બે આંચકા અનુભવાયા હતા. આ આંચકાથી વાસણ ખખડી ગયા હતા. તેમજ લોકો ઘરની બહાર નીકળી ગયા હતા.

(1:20 pm IST)
  • જીએસટી કાઉન્સીલે નિયુકત કરેલા રેવન્યુ બાબતના ઓફીસરોની એક મહત્વની બેઠક અત્યારે સાંજે પૂરી થઇ જેમાં આ અધિકારીઓએ ૫% જીએસટીનો સ્લેબ વધારીને ૮ % કરવાનો અને ૧૨ % જીએસટીનો સ્લેબ વધારીને ૧૫ ટકા કરવાની ભલામણ કરી છે (ન્યુઝ ફર્સ્ટ દ્વારા) access_time 5:27 pm IST

  • લાંચ પ્રકરણમાં સંડોવણી બાદ સુરત કોંગ્રેસની આકરી કાર્યવાહી : મહિલા કોર્પોરેટર કપિલા પટેલને પાર્ટીમાંથી સસ્પેન્ડ કરાયા : લાંચ પ્રકરણ અંગે શહેર કોગ્રેસ દ્વારા પ્રદેશ કક્ષાએ જાણ કરાઈ : પ્રદેશકક્ષાએથી મળેલ નિર્દેશ મુજબ શહેર પ્રમુખે કપિલા પટેલને કર્યા સસ્પેન્ડ access_time 10:57 pm IST

  • ભારતના પૂર્વ રાષ્ટ્રપતિ પ્રણવ મુખર્જીનો આજે જન્મદિવસ : 11 ડિસેમ્બર 1935 ના રોજ પશ્ચિમ બંગાળના મિરાતીમાં જન્મ થયો હતો : 84 માં જન્મદિવસ નિમિત્તે વડાપ્રધાન શ્રી નરેન્દ્રભાઈએ શુભેચ્છા પાઠવી access_time 1:06 pm IST