Gujarati News

Gujarati News

News of Wednesday, 11th September 2019

ઉપલેટાના મોટી પાનેલીમાં દે ધનાધન ૬ અને જામજોધપુરમાં પ, ખંભાળીયામાં ૪ ઇંચ વરસાદ

રાજકોટ, તા.૧૧: રાજકોટ સહિત સૌરાષ્ટ્ર-કચ્છમાં સર્વત્ર મેઘાવી માહોલ યથાવત છે. અને કયાંક ભારે તો કયાંક હળવો વરસાદ વરસી જાય  છે ત્યારે આજે ઉપલેટાના મોટી પાનેલીમાં ૬ ઇંચ વરસાદ પડયો છે.

જામનગર જીલ્લાના જામજોધપુરમાં સવારથી બપોરના ૨ વાગ્યા સુધીમાં ૩ ઇંચ વરસાદ પડયો છે. જયારે ગઇકાલે સાંજથી સવાર સુધીમાં ૨ ઇંચ સાથે કુલ પ ઇંચ વરસાદ પડયો છે.

જયારે જુનાગઢનાં વંથલીમાં અડધો ઇંચ તથા વિસાવદર, જુનાગઢ, માણાવદર, હળવા ભારે ઝાપટા વરસ્યા છે.

જયારે ભાણવડ, કલ્યાણપુર, ખંભાળીયા, જાફરાબાદ, બગસરા, ઉના, લોધીકા, ઉપલેટા, જેતપુર જામકંડોરણામાં હળવા-ભારે ઝાપટા વરસ્યા હતા.

ધોરાજીમાં પણ અડધો ઇંચ વરસાદ વરસ્યો હતો.

મોટી પાનેલી

(અતુલ ચગ દ્વારા) મોટી પાનેલીઃ ઉપલેટાના મોટી પાનેલીમાં આજે સવારથી મેઘરાજાએ મ્હેર કરી છે અને બપોર સુધીમાં ૬ ઇંચ જેટલો ધોધમાર વરસાદ પડયો છે.

ખંભાળીયા

(કૌશલ સવજાણી દ્વારા) ખંભાળીયાઃ દેવભુમી દ્વારકા જીલ્લાના ખંભાળીયામાં આજે બપોરના ૧ વાગ્યાથી અનરાધાર વરસાદ વરસી રહ્યો છે. જે ૩ વાગ્યા સુધીમાં ચારેક ઇંચ જેટલો પડી જતા નીચાણવાળા વિસ્તારોમાં પણ ભરાઇ ગયા છે.

(3:37 pm IST)
  • બ્રાયન ટોલએ આર્ટિકલ 370 પર ભારતનું કર્યું સમર્થન : ગિલકિત ને બાલટિસ્તાનને ગણાવ્યો ભારતનો હિસ્સો : યુરોપીય આયોગના પૂર્વ નિર્દેશક બ્રાયન ટોલે જિનિવામાં કહ્યું કે આર્ટિકલ 370 હટાવવાથી કાશ્મીરના લોકોને સમાન આર્થિક અવસર મળશે : સરકારની માફક તેને પણ આશા છે કે કાશ્મીરીઓ માટે સારું પગલું સાબિત થશે access_time 1:19 am IST

  • ૯/ ૧૧ હુમલાની ૧૮મી વરસી પર અફઘાનિસ્તાનમાં અમેરિકી દુતાવાસ પર હુમલો : અમેરિકામાં ૧૧ સપ્ટેમ્બર ૨૦૦૧ના રોજ થયેલા ત્રાસવાદી હુમલાના ૧૮ વર્ષ પૂર્ણ થવાના દિવસે અફઘાનિસ્તાનમાં અમેરિકી દુતાવાસ પર એક રોકેટ દ્વારા હુમલો કરવામાં આવ્યોઃ અધિકારીઓએ જણાવ્યું કે જાનમાલનું કોઇ નુકસાન નથી થયું. access_time 1:03 pm IST

  • લશ્કરનો ટોપ આતંકી આસિફ ઠારઃકાશ્મીરમાં સુરક્ષાદળોને મોટી સફળતા : કાશ્મીરમાં સુરક્ષા દળોને મોટી સફળતા હાથ લાગી છે : લશ્કરનો ટોપ આતંકી આસિફને ઠાર કરવામાં આવ્યો : સોપોરમાં થયેલા આ એન્કાઉન્ટરમાં બે પોલીસ અધિકારી પણ ઇજા પહોંચી છે જાણવા મળી રહ્યું છે કે આતંકી આસિફ સોપોરમાં અનેક નાપાક ગતિવિધઓમાં સામેલ રહ્યા છે access_time 11:28 am IST