Gujarati News

Gujarati News

News of Wednesday, 11th September 2019

કોઝવે પર પાણી ભરાતા માંગરોળ-કેશોદ માર્ગ બંધ-સુલતાનાબાદ પાસે પુલની રેલીંગ તુટી

બાંટવા ખારો ડેમ ઓવરફલોઃ ૬ દરવાજા ખોલાયા

 

જુનાગઢ, તા., ૧૧: જુનાગઢ જિલ્લામાં સવારથી ભારે વરસાદથી નુકશાનના સમાચાર પ્રાપ્ત થયા છે.

કોઝવે પર ભારે વરસાદથી પાણી ભરાતા માંગરોળ અને કેશોદ વચ્ચેનો રસ્તો બંધ થઇ ગયો હોવાનું જાણવા મળેલ છે.

આજ પ્રમાણે માણાવદર પંથકમાં ભારે વરસાદની સુલતાનાબાદ ગામ પાસેના પુલની રેલીંગ તુટી હોવાના સમાચાર છે. જો કે કોઇ પ્રકારની જાનહાની થઇ નથી.

માણાવદર તાલુકામાં ધોધમાર વરસાદથી બાંટવા ખારો ડેમ ઓવરફલો થઇ ગયો છે. આથી આ ડેમના છ દરવાજા બે-બે ફુટ ખોલવાની ફરજ પડી છે.

બાંટવા ખારો ડેમ છલોછલ થઇ જવાના કારણે આ જળાશયની નીચે આવતા ગામોને સાવચેત કરવામાં આવી છે.

જુનાગઢ અને ગિરનાર ઉપરાંત દાતાર વિસ્તારમાં આજના વરસાદથી આણંદપુર ડેમ, વિલીગ્ડન ડેમ અને ઉપર સિંહ તળાવ ઓવરફલો થયેલ છે.

જુનાગઢની સોનરખ નદી અને કાળવામાં ઘોડાપુર આવેલ છે. જયારે દામોદર કુંડ આજે ફરી બેકાંઠે થયેલ છે.

(1:11 pm IST)
  • અમદાવાદ : સિવિલ હોસ્પિટલના કેન્સર વિભાગમાં લાગી આગ: ફાયરની 4 ગાડી ઘટના સ્થળે દર્દીઓને સલામત જગ્યાએ ખસેડવામાં આવ્યા access_time 1:02 am IST

  • સુપ્રીમકોર્ટમાં અયોધ્યા ભૂમિ વિવાદ અને આમ્રપાલી મામલાની થશે સુનાવણી : સુપ્રીમકોર્ટમાં બે મોટા મામલાની થશે સુનાવણી : અયોધ્યા ભૂમિ વિવાદ અને આમ્રપાલીના અધૂરા પ્રોજેક્ટ પર સુનાવણી કરશે access_time 1:03 am IST

  • રાજકોટમાં ઓમ કમ્યુનિકેશન નામની પેઢીમાં DGGSTI : લીમડા ચોક ખાતે આવેલા આલાપ બી માં ત્રીજા માળે ટીમ ત્રાટકી ભર બપોરથી તપાસનો ધમધમાટ ચાલુ access_time 7:23 pm IST