Gujarati News

Gujarati News

News of Wednesday, 11th September 2019

ગોંડલના સેતુબંધ ડેમમાંથી શાકભાજીના વેપારી નરેશભાઇ પઢીયારની લાશ મળી

અકસ્માતે પડી જતા મોત : બે સંતાનોએ પિતાની છત્રછાંયા ગુમાવતા એરરાટી

ગોંડલ, તા. ૧૧ : શહેરના ભગવતપરામાં રહેતા અને શાક માર્કેટમાં થડો ધરાવતા નરેશભાઇ ઉર્ફે દકાભાઇ માધુભાઇ પઢીયાર (ઉ.વ.૪પ)નો મૃતદેહ સેતુબંધ ડેમના પાણીમાં તરતો મળી આવ્યો હતો.

ઘટનાની તપાસ ચલાવી રહેલ સીટી પોલીસના જમાદાર પી.એન. અગ્રાવતએ જણાવ્યું હતું કે નરેશભાઇ તેઓના નિત્યક્રમ મુજબ મેલડી માતાજીના મંદિરે દર્શને જતા હોય સાથે ચકલાને ચણ અને માછલીને લોટો નાખવા લઇ જતા હતાં, પરંતુ છેલ્લા પાંચ દિવસથી તેઓ ગુમ હોય આજે તેમની લાશ સેતુબંધ ડેમના પાણીમાંથી આવતા તપાસ હાથ ધરાઇ હતી. પ્રથમ દૃષ્ટિએ તેઓ અકસ્માતે પાણીમાં પડી ગયા હોવાનું જણાઇ રહ્યું છે. તેઓને સંતાનમાં એક દિકરો અને એક દીકરી છે. પી.એમ. થઇ ગયા બાદ અંતિમવિધિ માટે મૃતદેહને પરિવારજનોને સોંપવામાં આવ્યો હતો.

(11:20 am IST)
  • ગુજરાતભરમાં મેઘરાજા અનરાધાર : અતિવૃષ્ટિના એંધાણઃ ઝાપટાથી ૮ ઈંચ સુધીના વરસાદ સાથે ૧૧૭ ટકા વરસાદ નોંધાયોઃ ગોલ્ડન બ્રીજની સપાટી ૩૧ ફુટે... શહેરમાં પાણી ઘુસ્યા... કરજણ ડેમના ૭ દરવાજા ખોલાયા... ઉકાઈ ડેમમાંથી ૧.૨૫ લાખ કયુસેક પાણી છોડાતા તાપી ફરી બે કાંઠે.. access_time 11:28 am IST

  • સુરત-અમદાવાદમાં ડેંગ્યુ-ટાઇફોઇડનો રોગચાળો : અમદાવાદમાં સતત વરસાદને લીધે ડેંગ્યુ અને ટાઇફોઇડનો રોગચાળો વધતો જાય છે. એક અઠવાડીયામાં ત્રણસો આસપાસ દર્દી નોંધાયા છે. જેમાં ડેંગ્યુના ૧૦૦ ઉપર દર્દીઓ છે. દરમિયાન સુરતના ડિંડોલીના કરાડવા રોડ ઉપર એક જ સોસાયટીમાં ડેંગ્યુના ૧૨ દર્દીઓ નોંધાતા હલચલ મચી ગઇ છે. access_time 3:38 pm IST

  • ગોલ્ડમેન સેકના વા-પ્રેસીડેન્ટની ધરપકડ : ૩૮ કરોડ ચાંઉ કરી જવાનો આરોપઃ ઓનલાઇન પોકર રમવાની ટેવને કારણે દેવું થઇ ગયું હતું. બેંકોને ચુકવી શકયો નથી access_time 4:14 pm IST