Gujarati News

Gujarati News

News of Wednesday, 11th September 2019

મોરબીમાં સાસું-નણંદના ત્રાસથી પરિણીતાએ જાત જલાવી ગંભીર હાલતમાં સારવારમાં

ગઇકાલ દરમિયાન મોરબી જિલ્લામાં સ્ત્રી ઉત્પીડનના બે કિસ્સાઓ સામે આવ્યા છે જેમાં મોરબીના ધરમપુર ગામે રહેતી પરિણીતાએ તેની સાસુ અને નણંદના ત્રાસથી કંટાળીને અગ્નિસ્નાાન કરી લેતા ગંભીર હાલતમાં સારવારમાં ખસેડાઇ છે.જ્યારે હળવદમાં સુખપર ગામે રહેતી પરિણીતાને સંતાનોને મારી નાખવાની ધમકી આપી બાવડું પકડી લાજ લેવાની કોશિશ કરવામાં આવી હોય તેવો બનાવ પણ સામે આવ્યો હોય પોલીસે તપાસ હાથ ધરી છે.

મોરબીના ધરમપુર ગામે પરણાવેલ અને મૂળ મહેન્દ્રનગરની પુનમબેન કૌશિકભાઇ માકાસણા નામની સત્યાવીસ વર્ષની પરિણીતા ગઈકાલે રસોઈ બનાવતા દાઝી ગઇ હોય સારવારમાં મોરબી શ્યામ હોસ્પિટલે સારવાર માટે લઇ જવાઇ હોય તેવું જાણવા મળેલ છે.

બનાવ અંગે પોલીસ સૂત્રો પાસેથી મળતી માહિતી મુજબ પુનમબેનને તેની સાસુ તથા નણંદ તરફથી અવારનવાર ઘરકામ સહિતની બાબતોએ મેંણા મારીને ત્રાસ આપવામાં આવતો હોય તેથી સાસુ-નણંદના ત્રાસથી કંટાળી જઈને પુનમબેનએ જાત જલાવી હતી અને તેથી તેઓને સારવાર માટે લઈ જવાયા છે. હાલ તેનોની હાલત ગંભીર છે. તેઓનો લગ્નગાળો અઢી વર્ષનો છે અને સંતાનમાં એક નવ મહિનાનો પુત્ર હોવાનું જાણવા મળેલ છે. મોરબી ડીવાયએસપી બન્નો જોશીના માર્ગદર્શન હેઠળ મોરબી તાલુકા પોલીસ મથકના એસ.વી.સોલંકી તપાસ ચલાવી રહ્યા છે.

(6:14 pm IST)
  • રાજકોટમાં ઓમ કમ્યુનિકેશન નામની પેઢીમાં DGGSTI : લીમડા ચોક ખાતે આવેલા આલાપ બી માં ત્રીજા માળે ટીમ ત્રાટકી ભર બપોરથી તપાસનો ધમધમાટ ચાલુ access_time 7:23 pm IST

  • ૧૩મીથી મુંબઇમાં ફરી વરસાદનું જોર વધતુ જશે : મુંબઇમાં ૧૩મી સપ્ટેમ્બર શુક્રવારે બપોરથી રવિવાર ૧૫મી સપ્ટેમ્બર સુધી ભારે વરસાદ પડતો રહેશે તેમ એક ખાનગી વેધર સંસ્થાએ ટ્વીટ કરી જણાવ્યું છે. આ ૩૬ કલાકના સમયમાં (થાણે-નવી મુંબઇ સહિત) ૪ થી ૫ ઇંચ વરસાદ પડવા સંભવ છે. જયારે પશ્ચિમ અને ઉતરના પરાઓમાં ૬ ઇંચથી પણ વધુ વરસાદ પડશે access_time 4:15 pm IST

  • ઇમરાનનો નવો પેંતરો : આંતરરાષ્ટ્રીય મંચ પર ફજેતા બાદ હવે Pokમાં રેલી કરશે ઇમરાનખાન : આંતરરાષ્ટ્રીય મંચ પર ફજેતા સહન કર્યા બાદ હવે પાકિસ્તાનના વડાપ્રધાન ઇમરાનખાન પીઓકેમાં રેલીનું આયોજન કરશેઃ ઇમરાને કહ્યું કે ૧૩ સપ્ટેમ્બરે મુઝફફરાબાદમાં એક મોટી રેલી કરીશ અને સમગ્ર વિશ્વનું ધ્યાન કાશ્મીર પર લાવવાના પ્રયત્નો કરીશ access_time 1:04 pm IST