Gujarati News

Gujarati News

News of Wednesday, 11th September 2019

હળવદ તાલુકાના વેગડવાવ ગામે ખેતરમાં શંકાસ્પદ વસ્તુ પડતા દોડધામ

ઘટનાને પગલે પોલીસે દોડી જઈને તપાસ હાથ ધરીઃહવામાન વિભાગનું માપક યંત્ર હોવાનું પ્રાથમિક તારણ

હળવદ તા.૧૦: તાલુકાના વેગડવાવ ગામે આવેલ એક વાડી વિસ્તારમાં કપાસમાં ઉપરથી કોઈ શંકાસ્પદ વસ્તુ પડતા દોડધામ મચી ગઇ હતી.આ ઘટનાને પગલે હળવદ પોલીસ અને મામલતદાર સહિતની ટીમ ઘટના સ્થળે દોડી ગઈ હતી અને તપાસ કરતા હવામાન વિભાગના માપક યંત્રની વસ્તુ હોવાનું અનુમાન દર્શાવાયું છે.

હળવદ તાલુકાના વેગડવાવ ગામે આવેલ બળદેવભાઈ મનજીભાઈ દલવાડીની વાડીમાં વાવેલ કપાસમાં આજે વહેલી સવારના ઉપર આકાશમાંથી કોઈ શંકાસ્પદ વસ્તુઓ પડી હતી.આ વસ્તુઓ ધ્યાને આવતા ખેતરમાં લોકોના ટોળે ટોળા એકઠા થઇ ગયા હતા. બાદમાં આ વસ્તુ પડયાની ગ્રામજનોને પોલીસ અને મામલતદારને જાણ કરી હતી.જેને પગલે પોલીસ અને મામલતદાર ઘટનાસ્થળે દોડી જઈને આ વસ્તુઓ અંગે તપાસ કરી હતી. પોલીસ અને મામલતદારની ટીમની તપાસમાં   ખેતરમાં પડેલી આ વસ્તુઓમાં એક કેમેરો, એક સર્કિટ, બે થર્મોકોલના બે બોકસ, ફુગ્ગો જોવા મળ્યા હતા. આ ફુગ્ગો હવામાન વિભાગ દ્વારા ઉપયોગમાં લેવાય છે તેવો હતો.આથી આ તમામ વસ્તુઓ હવામાન વિભાગના માપક યંત્રની હોવાનું હાલ પ્રાથમિક તારણ નીકળ્યું છે.હવામાન વિભાગની જ આ વસ્તુઓ નીકળતા ગ્રામજનોએ રાહત અનુભવી છે.જોકે હાલ હળવદ પોલીસ અને મામલતદારે આ બાબતે હવામાન વિભાગને જાણ કરીને આ અંગે વધુ તપાસ હાથ ધરી છે.

(5:43 pm IST)
  • બ્રાયન ટોલએ આર્ટિકલ 370 પર ભારતનું કર્યું સમર્થન : ગિલકિત ને બાલટિસ્તાનને ગણાવ્યો ભારતનો હિસ્સો : યુરોપીય આયોગના પૂર્વ નિર્દેશક બ્રાયન ટોલે જિનિવામાં કહ્યું કે આર્ટિકલ 370 હટાવવાથી કાશ્મીરના લોકોને સમાન આર્થિક અવસર મળશે : સરકારની માફક તેને પણ આશા છે કે કાશ્મીરીઓ માટે સારું પગલું સાબિત થશે access_time 1:19 am IST

  • ગોલ્ડમેન સેકના વા-પ્રેસીડેન્ટની ધરપકડ : ૩૮ કરોડ ચાંઉ કરી જવાનો આરોપઃ ઓનલાઇન પોકર રમવાની ટેવને કારણે દેવું થઇ ગયું હતું. બેંકોને ચુકવી શકયો નથી access_time 4:14 pm IST

  • ગુજરાતભરમાં મેઘરાજા અનરાધાર : અતિવૃષ્ટિના એંધાણઃ ઝાપટાથી ૮ ઈંચ સુધીના વરસાદ સાથે ૧૧૭ ટકા વરસાદ નોંધાયોઃ ગોલ્ડન બ્રીજની સપાટી ૩૧ ફુટે... શહેરમાં પાણી ઘુસ્યા... કરજણ ડેમના ૭ દરવાજા ખોલાયા... ઉકાઈ ડેમમાંથી ૧.૨૫ લાખ કયુસેક પાણી છોડાતા તાપી ફરી બે કાંઠે.. access_time 11:28 am IST